بنگلور ٹیسٹ: تیسرا دن بھی بارش کی نذر

تصویر کے کاپی رائٹ
Image caption تیسرے دن کا کھیل بھی بارش کی نذر ہو گیا اور دونوں ٹیمیں ہوٹل میں ہی رہیں

بھارت اور جنوبی افریقہ کے درمیان بنگلور میں کھیلے جانے والے دوسرے ٹیسٹ میچ کا تیسرا دن بھی بارش کی نذر ہو گیا ہے اور دوسرے دن کی طرح بغیر ایک گیند پھینکے تیسرے دن کے کھیل کے اختتام کا اعلان کر دیا گیا ہے۔

یہ بارش جنوبی بھارت کے مشرقی ساحل پر طوفانی صورت حال کے نتیجے میں ہو رہی ہے۔ سٹار سپورٹس کے مطابق دونوں ٹیموں کے کھلاڑی ہوٹل میں ہی رہے اور باضابطہ طور پر تیسرے دن کے کھیل کے اختتام کا اعلان کر دیا گیا۔

میچ کا تفصیلی سکور کارڈ

اس سے قبل بھارت نے ٹاس جیت کر جنوبی افریقہ کو بیٹنگ کی دعوت دی تھی اور جنوبی افریقہ کی پوری ٹیم پہلی اننگز میں 214 رنز بنا کر پویلین لوٹ گئی تھی۔

تصویر کے کاپی رائٹ AP
Image caption چار میچوں کی سیریز میں بھارت کو ایک صفر کی برتری حاصل ہے۔ موہالی میں کھیلے جانے والے پہلے ٹیسٹ میں بھارت نے جنوبی افریقہ کو 108 رنز سے شکست دی تھی

جواب میں بھارت نے اپنی پہلی اننگز میں بغیر کسی نقصان کے 80 رنز بنا لیے تھے۔

بھارت کو جنوبی افریقہ کی برتری ختم کرنے کے لیے مزید 134 رنز کی ضرورت ہے اور پہلی اننگز میں اس کی تمام وکٹیں باقی ہیں۔

بھارت کی جانب سے مرلی وجے اور شیکھر دھون نے اننگز کا آغاز کیا اور دونوں بالترتیب 28 اور 45 رنز پر کھیل رہے ہیں۔

جنوبی افریقہ کا آغاز اچھا نہ تھا اور صرف 78 رنز کے مجموعی سکور پر اس کے چار کھلاڑی آؤٹ ہو گئے۔

جنوبی افریقہ کی جانب سے اے بی ڈویلیئرز نے 11 چوکوں اور ایک چھکے کی مدد سے 85 جبکہ ڈین ایلگر نے دو چوکوں اور ایک چھکے کی مدد سے 38 رنز بنائے۔

تصویر کے کاپی رائٹ AP
Image caption جنوبی افریقہ کی جانب سے اے بی ڈویلیئرز نے 11 چوکوں اور ایک چھکے کی مدد سے 85 رنز بنائے

ان دونوں کے علاوہ جنوبی افریقہ کے دیگر بیٹسمین بھارتی بولروں کا سامنا نہ کر سکے۔

بھارت کی جانب سے ایشون اور جڈیجا نے چار، چار کھلاڑیوں کو آؤٹ کیا۔

چار میچوں کی سیریز میں بھارت کو ایک صفر کی برتری حاصل ہے۔

موہالی میں کھیلے جانے والے پہلے ٹیسٹ میں بھارت نے جنوبی افریقہ کو 108 رنز سے شکست دی تھی۔

اسی بارے میں