پاکستان 271 رنز پر آؤٹ، میچ اور سیریز انگلینڈ نے جیت لی

تصویر کے کاپی رائٹ Getty
Image caption اظہر علی 44 اور احمد شہزاد 13 رنز بنا سکے

دبئی میں پاکستان اور انگلینڈ کے درمیان چار ایک روزہ میچوں کی سیریز کے آخری میچ میں انگلینڈ نے پاکستان کو84 رنز سے شکست دے کر سیریز تین، ایک سے جیت لی ہے۔

انگلینڈ کے 355 رنز کے جواب میں پاکستان کی پوری ٹیم 271 رنز بنا کر آؤٹ ہو گئی۔

شعیب ملک اور بابر اعظم کی نصف سنچریاں بھی پاکستان ٹیم کو سیریز برابر کرنے میں مدد فراہم نہ کر سکیں۔

میچ کا تفصیلی سکور کارڈ

دبئی میں سیریز بچانے کی آخری کوشش

’اقربا پروری سے ٹیم کی کارکردگی پر اثر پڑ رہا ہے‘

بابر اعظم نصف سنچری سکور کرنے کے بعد عادل رشید کی گیند پر کیچ آؤٹ ہوئے۔

پاکستان کی جانب سے اظہر علی اور احمد شہزاد نے اننگز کا آغاز کیا۔احمد شہزاد آؤٹ 13 اور اظہر علی 44 رنز بنا کر ڈیوڈ ولی کا شکار بنے۔

اس سے قبل انگلینڈ کے جوز بٹلر کی جارحانہ بیٹنگ کی بدولت انگلینڈ نے پاکستان کو جیتنے کے لیے 356 رنز کا ہدف دیا۔

تصویر کے کاپی رائٹ Getty
Image caption چار ایک روزہ میچوں کی سیریز میں انگلینڈ کو دو ایک کی برتری حاصل ہے

جوز بٹلر نے صرف 52 گیندوں پر آٹھ چھکوں اور دس چوکوں کی مدد سے 116 رنز بنائے اور ناٹ آؤٹ رہے۔ انھوں نے اپنی سینچری صرف 46 گیندوں پر مکمل کی، جو برطانیہ کی جانب سے ایک روزہ میچوں کی تیز ترین سینچری ہے۔

انگلینڈ نے آخری دس اووروں میں 129 اور آخری تین اوروں میں 49 رنز بنائے۔ سبھی پاکستانی بولر مہنگے ثابت ہوئے، اور انور علی نے نو اووروں میں 75، وہاب ریاض نے نو اووروں نے 70 اور شعیب ملک نے سات اووروں میں 59 رنز دیے۔

اس سے قبل جب انگلینڈ نے ٹاس جیت کر بیٹنگ کا آغاز کیا تو 54 رنز کے مجموعی سکور پر ایلکس ہیلز 22 رنز بنا کر محمد عرفان کی گیند پر شعیب ملک کے ہاتھوں کیچ آؤٹ ہو گئے۔

تاہم اس کے بعد جیسن روئے اور جو روٹ نے عمدہ بیٹنگ کا مظاہرہ کرتے ہوئے دوسری وکٹ کی شراکت میں 140 رنز بنائے۔ جیسن روئے نے عمدہ بیٹنگ کا مظاہرہ کرتے ہوئے سینچری سکور کی۔

انگلینڈ کے تیسرے آؤٹ ہونے والے جو روٹ تھے، وہ 71 رنز بنا کر سٹمپ ہوئے۔ انگلینڈ کو 227 رنز کے مجموعی سکور پر چوتھا نقصان اس وقت اٹھانا پڑا جب مورگن 14 رنز پر سٹمپ ہوئے۔

پاکستان کی جانب سے اظہر علی نے دو، جب کہ محمد عرفان اور یاسر شاہ نے ایک ایک کھلاڑی آؤٹ کیا۔

چار ایک روزہ میچوں کی سیریز میں انگلینڈ کو دو ایک کی برتری حاصل ہے۔

اسی بارے میں