پاکستان سپر لیگ کے لیے کھلاڑیوں کا انتخاب

تصویر کے کاپی رائٹ PCB

پاکستان سپر لیگ میں حصہ لینے والی پانچوں ٹیموں نے اپنے کھلاڑیوں کے انتخاب کو حتمی شکل دے دی ہے، ان کھلاڑیوں کا انتخاب پیر کے روز لاہور میں منعقدہ ایک تقریب میں عمل میں آیا۔

تصویر کے کاپی رائٹ PCB

اس موقع پر پانچوں فرنچائز کے مالکان اور کوچ بھی موجود تھے جنھوں نے مرحلہ وار اپنی پسند کے کرکٹروں کا انتخاب کیا۔ پاکستان کرکٹ بورڈ کے چیئرمین شہر یار خان بھی تقریب میں موجود تھے۔

تصویر کے کاپی رائٹ PCB

مصباح الحق اسلام آباد کی ٹیم کی قیادت کریں گے جبکہ دیگر کھلاڑیوں میں شرجیل خان، محمد عرفان، محمد سمیع، خالد لطیف، بریڈ ہیڈن، شین واٹسن ، آندرے رسل، سیموئیل بدری شامل ہیں۔ اسلام آباد یونائیٹڈ کے ہیڈ کوچ ڈین جونز ہیں۔

تصویر کے کاپی رائٹ PCB

کراچی کنگز ٹیم کے لیے متنازع بولر محمد عامر کے علاوہ شعیب ملک، سہیل تنویر، عماد وسیم، بلاول بھٹی، شکیب الحسن ، روی بوپارا، جیمز ونس، لینڈل سمنز کا انتخاب کیا گیا ہے۔

تصویر کے کاپی رائٹ PCB

معین خان کوئٹہ گلیڈی ایٹرز ٹیم میں ہیڈ کوچ کی ذمہ داریاں نبھائیں گے۔

تصویر کے کاپی رائٹ PCB

پاکستان سپر لیگ میں حصہ لینے والی ہر ٹیم 16 کھلاڑیوں پر مشتمل ہو گی اور ہر ٹیم کو پلاٹینم، ڈائمنڈ اور گولڈ کیٹگری سے تین تین اور سلور کیٹگری میں پانچ پانچ کرکٹر شامل کرنے کی اجازت ہے جبکہ دو دو کرکٹر ایمرجنگ کیٹگری سے لیے جا سکتے ہیں۔

تصویر کے کاپی رائٹ PCB

سابق کھلاڑی اور کرکٹ کے تجزیہ کار نے کھلاڑیوں کی بولی لگانے کے بجائے ’ڈرافٹنگ‘ کے طریقہ کار پر اپنی رائے دیتے ہوئے کہا کہ متوازن ٹیموں کے انتخاب میں یہ طریقہ کار انتہائی مناسب تھا۔

تصویر کے کاپی رائٹ PCB

پشاور زلمی کی ٹیم کی قیادت شاہد آفریدی کر رہے ہیں جبکہ دیگر کھلاڑیوں میں وہاب رہاض، کامران اکمل، محمد حفیظ، جنید خان، کرس جورڈن، ڈیرن سیمی، تمیم اقبال، جم ایلنبائی شامل ہیں۔

تصویر کے کاپی رائٹ PCB

پاکستان کرکٹ بورڈ کے چیئرمین شہر یار خان کا کہنا ہے کہ پانچوں ٹیمیں متوازن ہیں اور اس لیگ میں ہونے والے مقابلے دلچسپ ہوں گے۔

اسی بارے میں