پاکستان سپر لیگ کی افتتاحی تقریب

تصویر کے کاپی رائٹ PCB

پاکستان سپر لیگ کی افتتاح کی رنگا رنگ تقریب دبئی کے سٹیڈیم میں منعقد ہوئی جس میں پانچوں ٹیموں کے مالکان ٹیموں سمیت ہمر لموزین میں گراؤنڈ میں پہنچے۔

پاکستان سپر لیگ کے نام سے ہونے والے اس ایونٹ میں پانچ ٹیمیں شریک ہیں جن میں کراچی کنگز، لاہور قلندر، اسلام آباد یونائیٹڈ، پشاور زلمی اور کوئٹہ گلیڈی ایٹرز شامل ہیں۔

تصویر کے کاپی رائٹ PCB

اس تقریب میں معروف فنکار علی ظفر نے بھی اپنے فن کا مظاہرہ کیا۔

تصویر کے کاپی رائٹ PCB

گلوکار شون پال پرفارم کرنے آئے تو کرس گیل بھی ان کے ساتھ دینے سٹیج پر آگئے۔

تصویر کے کاپی رائٹ PCB

اس لیگ کے دوران مجموعی طور پر 24 میچ دبئی اور شارجہ میں کھیلے جائیں گے۔

تصویر کے کاپی رائٹ PCB

پاکستان سپر لیگ میں پاکستانی کرکٹرز کے علاوہ 30 غیر ملکی کرکٹرز بھی حصہ لے رہے ہیں جن میں انگلینڈ کے کیون پیٹرسن، آسٹریلیا کے شین واٹسن اور شان ٹیٹ، ویسٹ انڈیز کے کرس گیل، لینڈل سمنز، ڈوین براوو اور ڈیرن سیمی، بنگلہ دیش کے شکیب الحسن، مشفق الرحیم اور تمیم اقبال، زمبابوے کے ایلٹن چگمبورا اور افغانستان کے محمد نبی قابلِ ذکر ہیں۔

تصویر کے کاپی رائٹ PCB

لاہور قلندر نے پاکستان کی ون ڈے ٹیم کے کپتان اظہر علی کو اپنا کپتان مقرر کیا ہے۔ کراچی کنگز کی کپتانی شعیب ملک کے سپرد ہے جبکہ پشاور زلمی قومی ٹی 20 ٹیم کے کپتان شاہد آفریدی کی قیادت میں میدان میں اترے گی۔

تصویر کے کاپی رائٹ PCB

سری لنکا کے کمار سنگاکارا اور تلکارتنے دلشن سپلیمنٹری کرکٹرز میں شامل ہیں۔ سنگاکارا ان دنوں ماسٹرز چیمپینز لیگ میں مصروف ہیں۔

تصویر کے کاپی رائٹ PCB

ویسٹ انڈین کپتان جیسن ہولڈر اپنے کرکٹ بورڈ کی جانب سے اجازت نہ ملنے کے سبب پاکستان سپر لیگ میں حصہ نہیں لے سکتے اور ان کی جگہ سری لنکا کے تشارا پریرا کوئٹہ کی ٹیم میں شامل کیے گئے ہیں۔

تصویر کے کاپی رائٹ Lahore Qalandars FB

اسی بارے میں