عماد وسیم کی عمدہ بولنگ، پاکستان کی 15 رنز سے جیت

تصویر کے کاپی رائٹ Getty
Image caption عماد وسیم سب سے کامیاب بولر ثابت ہوئے

بھارت میں منعقد ہونے والے آئی سی سی ورلڈ ٹی 20 مقابلوں میں سپر 10 مرحلے کے آغاز سے قبل کھیلے گئے وارم اپ میچ میں پاکستان نے سری لنکا کو 15 رنز سے شکست دے دی ہے۔

پاکستان کی جانب سے دیے گئے 158 رنز کے ہدف کے تعاقب میں سری لنکا کی ٹیم مقررہ 20 اوورز میں نو وکٹوں کے نقصان پر 142 رنز بنا سکی۔

عماد وسیم سب سے کامیاب بولر ثابت ہوئے۔ انھوں نے چار اوورز میں 25 رنز دے کر چار کھلاڑیوں کو آؤٹ کیا ہے۔

سری لنکا کی جانب سے دنیش چندیمل 30 اور لہیرو تھری مانے 45 رنز کے ساتھ نمایاں بلے باز رہے۔

تلکرتنے دلشان صفر، اینجیلو میتھیوز دس اور کپوگیدرا 14 رنز ہی بنا سکے۔

پاکستان کی جانب سے عماد وسیم کے علاوہ محمد عرفان نے دو اور وہاب ریاض نے ایک وکٹ حاصل کی۔ شاہد آفریدی نے چار اوورز میں 40 رنز دیے اور کوئی وکٹ حاصل نہیں کی۔

تصویر کے کاپی رائٹ AFP
Image caption محمد حفیظ نے ذمہ دارانہ بلے بازی کرتے ہوئے 70 رنز کی اننگز کھیلی

اس سے قبل پاکستانی ٹیم کے کپتان شاہد آفریدی نے ٹاس جیتنے کے بعد پہلے بیٹنگ کرنے کا فیصلہ کیا اور مقررہ 20 اوورز میں پانچ وکٹوں کے نقصان پر 157 رنز بنائے۔

پاکستان کی جانب سے محمد حفیظ نے سب سے زیادہ 70 رنز بنائے اور آؤٹ نہیں ہوئے۔ ان کی اننگز میں ایک چھکا اور نو چوکے شامل ہیں۔

شرجیل خان 23، احمد شہزاد 18، سرفراز احمد 12 اور عمر اکمل 19 رنز بنا کر آؤٹ ہوئے جبکہ کپتان شاہد آفریدی بنا کوئی رنز بنائے پویلین لوٹ گئے۔

ٹی ٹوئنٹی کرکٹ

پاکستان کا ریکارڈ

101

کل میچ کھیلے

  • 60 میں فاتح

  • 41 میں شکست

سری لنکا کی جانب سے تھیسرا پریرا نے دو وکٹیں حاصل کیں۔

سری لنکا کی ٹیم اس عالمی ٹورنامنٹ میں اپنے اعزاز کا دفاع کر رہی ہے تاہم حالیہ کچھ عرصے میں ٹی 20 مقابلوں میں اس کا کارکردگی زیادہ اچھی نہیں رہی۔

پاکستانی ٹیم بھی اس ٹورنامنٹ سے قبل بنگلہ دیش میں کھیلے جانے والے ایشیا کپ ٹی 20 ٹورنامنٹ میں صرف ایک میچ جیتنے میں ہی کامیاب ہو سکی۔

آئی سی سی کی عالمی درجہ بندی میں اس وقت پاکستان ساتویں اور سری لنکا آٹھویں نمبر پر ہے۔

تصویر کے کاپی رائٹ AP
Image caption پاکستانی ٹیم کی بھارت میں حفاظت کے لیے انتہائی سخت انتظامات کیے گئے ہیں

ابتدائی شیڈول کے مطابق پاکستانی ٹیم کو بنگال کی ریاستی ٹیم کے خلاف بھی ایک وارم اپ میچ کھیلنا تھا تاہم پاکستانی ٹیم کے بھارت نہ پہنچ پانے کی وجہ سے اس منسوخ کر دیا گیا تھا۔

پاکستانی سکواڈ کی آمد میں تاخیر کی وجہ بھارتی حکام کی جانب سے اس کے تحفظ کی یقین دہانی میں تاخیر بنی۔

پاکستان کی ٹیم کپتان شاہد آفریدی کی قیادت میں سنیچر کو کولکتہ پہنچی ہے اور وہ ایڈن گارڈن سٹیڈیم میں سپر 10 مرحلے میں اپنے دو ابتدائی میچ کھیلے گی۔

اس مرحلے میں پاکستان کا پہلا میچ 16 مارچ کو بنگلہ دیش کے خلاف ہے جس نے کوالیفائنگ راؤنڈ کے گروپ اے سے ورلڈ ٹی 20 کے فائنل راؤنڈ میں جگہ بنائی ہے۔

اس کے بعد 19 مارچ کو پاکستانی کرکٹرز اپنے روایتی حریف بھارت کا سامنا کریں گے۔ یہ میچ پہلے دھرم شالہ میں منعقد ہونا تھا تاہم آئی سی سی نے سکیورٹی خدشات کی وجہ سے اسے بھی کولکتہ منتقل کر دیا ہے۔

کلک ایبل
  • کرکٹ ٹی ٹوئنٹی کا ریکارڈ

    ×
  • نیوزی لینڈ

    ×

    نیوزی لینڈ

    نیوزی لینڈ ان ٹیموں میں شامل ہے جو ابھی تک یہ اعزاز حاصل نہیں کر پائی ہیں

  • افغانستان

    ×

    افغانستان

    افغانستان پہلی مرتبہ آئی سی سی ورلڈ ٹی ٹوئنٹی کے سپر ٹین راؤنڈ میں پہنچا ہے

  • پاکستان

    ×

    پاکستان

    پاکستان نے سنہ 2009 میں آئی سی سی ورلڈ کپ کےفائنل میں کامیابی حاصل کی تھی

  • ویسٹ انڈیز

    ×

    ویسٹ انڈیز

    ویسٹ انڈیز کی ٹیم نے سنہ دو ہزآر بارہ کا ٹی ٹوئنٹی ورلڈ کپ جیتا تھا

  • انڈیا

    ×

    انڈیا

    انڈیا نے 2007 میں پہلے ٹی ٹوئنٹی ورلڈ کپ میں کامیابی حاصل کی تھی

  • انگلینڈ

    ×

    انگلینڈ

    انگلینڈ نے ٹی ٹوئنٹی ورلڈ کپ سنہ 2010 میں ویسٹ انڈیز میں جیتا تھا

  • آسٹریلیا

    ×

    آسٹریلیا

    آسٹریلیا کو ابھی یہ اعزاز حاصل کرنا باقی ہے

  • بنگلہ دییش

    ×

    بنگلہ دییش

    بنگلہ دیش بھی آئی سی سی ورلڈ کپ میں کامیابی حاصل نہیں کر سکا ہے

  • جنوبی افریقہ

    ×

    جنوبی افریقہ

    جنوبی افریقہ کی ٹیم بھی یہ کپ جینتے سے ابھی تک محروم رہی ہے

  • سری لنکا

    ×

    سری لنکا

    سری لنکا نے آئی سی سی ورلڈ کپ میں سنہ 2014 میں جیتا تھا

اسی بارے میں