خواتین ٹی ٹوئنٹی: آسٹریلیا نے آئرلینڈ کو شکست دے دی

تصویر کے کاپی رائٹ Getty Images

آئی سی سی کے خواتین کے ورلڈ ٹی ٹوئنٹی کے ہفتے کو کھیلے جانے والے پہلے میچ میں آسٹریلیا نے آئر لینڈ کو سات وکٹوں سے شکست دے دی۔

آسٹریلیا نے ٹاس جیت کر آئر لینڈ کو بیٹنگ کی دعوت دی۔

مقررہ 20 اوورز میں آئرلینڈ کی ٹیم نے سات وکٹوں کے نقصان پر 91 رنز بنائے۔

آسٹریلیا نے یہ ہدف 13.2 اوورز میں تین وکٹوں کے نقصان پر حاصل کر لیا۔

تفصیلی سکور کارڈ

آسٹریلیا کی جانب سے ویلانی نے 43 رنز بنائے جبکہ پیری نے 29 رنز سکور کیے۔

آئرلینڈ کی جانب سے شیلنگٹن، جوائس اور گارتھ ہی عمدہ بیٹنگ کر سکیں۔

تصویر کے کاپی رائٹ Getty Images

شیلنگٹن نے 19 گیندوں میں 22 رنز بنائے، جوائس نے 31 گیندوں میں 23 جبکہ گارتھ نے 46 گیندوں میں 27 رنز بنائے۔

ان تین کھلاڑیوں کے علاوہ آئرلینڈ کی کوئی کھلاڑی بھی دہرے ہندسے میں داخل نہ ہو سکیں۔

آسٹریلیا کی جانب سے شٹ نے تین اور فیرل نے دو وکٹیں حاصل کیں۔

تصویر کے کاپی رائٹ AP

آسٹریلیا کی خواتین ٹیم نے تین میں سے دو میچ جیتے ہیں۔

دوسری جانب آئرلینڈ نے کوئی میچ نہیں جیتا اور وہ ٹورنامنٹ سے باہر ہو چکی ہے۔