آرمی کے ٹرینرز کی نگرانی میں کرکٹ کیمپ

تصویر کے کاپی رائٹ pcb
Image caption محمد عامر کو انگلینڈ کے دورے کے لیے ویزا ملنے کی پوری امید ہے

پاکستان آرمی کے فزیکل ٹرینرز کی نگرانی میں پاکستانی کرکٹرز کا فٹنس کیمپ کاکول میں جاری ہے۔

تصویر کے کاپی رائٹ pcb

پاکستان آرمی کے یہ ٹرینرز پاکستانی کرکٹ ٹیم کے ٹرینر گرانٹ لوڈن کے ساتھ کرکٹرز کو مختلف قسم کی ایکسرسائز اور ڈرلز کرا رہے ہیں۔

پاکستان کرکٹ بورڈ کا کہنا ہے کہ اس کیمپ کا بنیادی مقصد کھلاڑیوں کی فٹنس اور سٹیمنے کو بہتر بنانا ہے۔

پاکستان کرکٹ بورڈ نے اس کیمپ کے لیے پنتیس کرکٹرز کے ناموں کا اعلان کیا تھا تاہم محمد حفیظ ، ذوالفقار بابر، عماد وسیم اور حارث سہیل فٹ نہ ہونے کے سبب کیمپ میں شامل نہ ہوسکے جبکہ یاسر شاہ گھٹنے کی تکلیف کے سبب کیمپ سے باہر ہوگئے ہیں۔

وہاب ریاض کے کاؤنٹی کھیلنے کے لیے انگلینڈ جانے کے بعد کیمپ میں شریک کھلاڑیوں کی تعداد انتیس رہ گئی ہے۔

پاکستانی کرکٹ ٹیم کے نئے ہیڈ کوچ مکی آرتھر نے جو اس ماہ کے آخر میں پاکستان پہنچنے والے ہیں ایک انٹرویو میں اس کیمپ کی تعریف کی ہے۔

تصویر کے کاپی رائٹ pcb
تصویر کے کاپی رائٹ pbc
تصویر کے کاپی رائٹ pcb

کاکول کے اس کیمپ کے بعد پاکستانی کرکٹ ٹیم کا ایک اور کیمپ لاہور میں لگایا جائے گا جس کے بعد پاکستانی ٹیم انگلینڈ روانہ ہوگی جہاں سیریز کھیلنے سے قبل ہمپشائر کاؤنٹی میں بھی اس کے لیے ایک کیمپ لگایا جائے گا تاکہ تمام کھلاڑی انگلینڈ کے موسم سے خود کو ہم آہنگ کرسکیں۔

اسی بارے میں