میلانیا ٹرمپ کے سرکاری پورٹریٹ کی نقاب کشائی

تصویر کے کاپی رائٹ AFP

وائٹ ہاؤس نے امریکی خاتونِ اول میلانیا ٹرمپ کی پہلی سرکاری پورٹریٹ شائع کر دی ہے۔

امریکی انتظامیہ کے مطابق 46 سالہ سابق ماڈل میلانیا ٹرمپ کی یہ تصویر وائٹ ہاؤس میں لی گئی۔

ایوانکا ٹرمپ اور ان کے خاوند کروڑوں کے مالک

ایوانکا ٹرمپ کو وائٹ ہاؤس میں دفتر دیا جائے گا

اس تصویر کے فوٹو گرافر اور یہ کب لی گئی کی تفصیلات فوری طور پر دستیاب نہیں ہیں۔

میلانیا ٹرمپ کا کہنا ہے 'امریکی خاتونِ اول کی حیثیت سے کام کرنا میرے لیے اعزاز کی بات ہے اور میں آنے والے سالوں میں امریکی عوام کی خاطر کام کرنے کے لیے تیار ہوں۔'

میلانیا ٹرمپ نیو یارک میں اپنے دس سالہ بیٹے بیرن کے ساتھ رہتی ہیں اور اپنے شوہر کے صدر بننے کے بعد سے بڑی حد تک مرکزِ توجہ سے دور رہتی ہیں۔

امید کی جا رہی کہ میلانیا ٹرمپ اپنے دس سالہ بیٹے بیرن کی سکول کی پڑھائی مکمل ہو جانے کے بعد ان کے ہمراہ وائٹ ہاؤس منتقل ہو جائیں گی۔

وائٹ ہاؤس کی ویب سائٹ پر جاری ہونے والی سوانع عمری کے مطابق میلانیا ٹرمپ بچوں کے درمیان سائبر غنڈہ گردی کے مسئلے پر توجہ مرکوز کرنے کا ارادہ رکھتی ہیں۔

میلانیا ٹرمپ دوسری امریکی خاتونِ اول ہیں جن کی پیدائش امریکہ سے باہر ہوئی ہے۔

امریکہ کے سابق صدر جان ایڈمز کی بیوی لوئیسا ایڈمز کی پیدائش لندن میں ہوئی تھی۔

اسی بارے میں