جرمنی میں چیمپئنز لیگ کی ٹیم کی بس میں دھماکہ، ایک کھلاڑی زخمی

تصویر کے کاپی رائٹ AFP

جرمنی میں چیمپئنز لیگ کے ایک میچ نیں حصہ لینے کے لیے جانے والی بورسيا ڈورٹمنڈ فٹ بال ٹیم کی بس میں دھماکے سے کم از کم ایک کھلاڑی زخمی ہوا ہے۔

زخمی ہونے والے کھلاڑی مارک بارٹرا کو ہسپتال لے جایا گیا ہے۔

* جرمنی: دہشت گردی کے شبہے میں دو افراد گرفتار

خبر رساں ادارے اے ایف پی کے مطابق دھماکے سے بس کے شیشے ٹوٹ گئے ہیں۔ اطلاعات کے مطابق آگ بجھانے والے عملہ بھی موقعے پر پہنچ گیا تھا۔

ٹیم کی جانب سے جرمن زبان میں کیے گئے ٹویٹس کے مطابق کوئی اور کھلاڑی زخمی نہیں ہوا ہے۔

تصویر کے کاپی رائٹ Reuters
Image caption بس کو دو جگہ سے نقصان پہنچا ہے

ٹویٹس میں کہا گیا ہے کہ اسٹیڈیم کے ارد گرد کوئی خطرہ نہیں ہے۔

موناکو کے خلاف ہونے والا پہلے سے مقرر کردہ میچ منسوخ کر دیا گیا ہے۔ اب یہ میچ بدھ کو کھیلا جائے گا۔

جائے وقوعے سے حاصل ہونے والی تصاویر میں دیکھا جا سکتا ہے کہ گاڑی کی کھڑکی کے شیشے ٹوٹے ہوئے ہیں۔ پولیس کا کہنا ہے کہ دھماکے کی وجوہات تاحال واضح ہیں تاہم انھوں نے کہا کے سٹیڈیم میں موجود شائقین کو کوئی خطرہ نہیں ہے۔

متعلقہ عنوانات

اسی بارے میں