فرانس: پولیس اہلکار پر ہتھوڑے سے حملے کی کوشش

تصویر کے کاپی رائٹ Reuters
Image caption نوٹری ڈیم کیتھیڈرل کے ارد گرد کے علاقے کو پولیس نے بند کر دیا ہے

فرانس کی پولیس کا کہنا ہے کہ انھوں پیرس میں نوٹری ڈیم کیتھیڈرل (گرجا گھر) کے باہر اس شخص کو گولی مار کر زخمی کر دیا ہے جس نے ایک پولیس اہلکار پر ہتھوڑے سے حملہ کرنے کی کوشش کی تھی۔

پولیس نے علاقے کو گھیرے میں لے لیا ہے جبکہ لوگوں کو وہاں سے دور رہنے کو کہا ہے۔

فرانس: ملک میں ہنگامی حالات میں توسیع کا عندیہ

اطلاعات ہیں کہ حملہ آور زخمی ہے تاہم اس کی حالت کے بارے میں مزید معلومات نہیں ہیں۔

فرانسیسی میڈیا کے مطابق حملہ آور کا نشانہ کیتھیڈرل کے پاس موجود پولیس ہیڈ کورٹر پر تعینات اہلکار تھا۔

عینی شاہدین کا کہنا ہے کہ علاقے میں موجود سیاح جان بچا کر بھاگ رہے تھے۔

فرانس میں سنہ 2015 میں ہونے والے حملے کے بعد سے ایمرجنسی نافذ ہے۔ اس حملے میں 130 افراد مارے گئے تھے۔

اسی بارے میں