لندن میں عمارت میں آتشزدگی کے بعد تباہی کے مناظر

The wreckage of Grenfell Tower تصویر کے کاپی رائٹ Getty Images

لندن کے مغربی علاقے شمالی کینسنگٹن میں ایک 24 منزلہ رہائشی عمارت میں آتشزدگی کے واقعے کے بعد وہاں پر تباہی کا منظر۔

امدادی کارکنان کا کہنا ہے کہ انھیں اس عمارت کے ملبے میں سے اب کسی اور کے زندہ نکلنے کی امید نہیں ہے۔

واقعے کے روز عینی شاہدین کے مطابق کہ عمارت میں پھنسے ہوئے لوگوں کی چیخیں سنی گئی تھیں۔ اب تک اس واقعے میں ہلاکتوں کی تعداد 17 ہے تاہم خدشہ ظاہر کیا جا رہا ہے کہ مرنے والوں کی تعداد میں اضافہ ہو سکتا ہے۔

The remains of Grenfell Tower تصویر کے کاپی رائٹ PA
The remains of Grenfell Tower تصویر کے کاپی رائٹ PA
Firefighters stand amid debris in a childrens playground تصویر کے کاپی رائٹ Reuters

یہ آگ لیٹیمر روڈ پر واقع گرینفل ٹاور میں منگل کی شب سوا ایک بجے کے قریب لگی اور آگ بجھانے والا عملہ کئی گھنٹے تک اس پر قابو پانے کی کوشش کرتا رہا۔

اس واقعے میں لاپتہ ہونے والوں کے لواحقین نے لوگوں کی تلاش کے لیے پوسٹر لگائے ہیں۔

لندن کے عوام میں سے کچھ لوگ ایک قریبی جگہ جمع ہوئے اور متاثرین کے لیے اشیائے خورد و نوش کے ساتھ ساتھ کپڑے بھی لے کر آئے۔

اس کے علاوہ ایک قریبی دیوار پر لوگوں نے تعزیت اور اظہارِ یکجہتی کے پیغامات بھی لکھے ہیں۔

A woman carrying flowers past a wall of messages تصویر کے کاپی رائٹ PA
Messages of sorrow and solidarity on a wall تصویر کے کاپی رائٹ PA
Piles of supplies donated to Grenfell Tower victims تصویر کے کاپی رائٹ Reuters
Hundreds of shoes donated to Grenfell Tower fire victims تصویر کے کاپی رائٹ Getty Images

لندن پولیس نے متاثرین کے لواحقین کے لیے ایک ہنگامی فون نمبر 08000961233 سیٹ اپ کیا ہے۔