آخری وقت اشاعت:  منگل 14 ستمبر 2010 ,‭ 22:02 GMT 03:02 PST

امریکہ، سعودی عرب کا سودا

اس معاہدے کے تحت امریکہ سعودی عرب کو بلیک ہاک اور اپاچی ہیلی کاپٹر بیچے گا

امریکہ نے سعودی عرب کو ساٹھ ارب ڈالر کا اسلحہ بیچنے کا سودا کیا ہے۔ اوباما انتظامیہ گانگریس کو اس سودے کے بارے میں آگاہ کرنے والی ہے۔

پینٹاگون کے ترجمان کرنل ڈیو لیپمین نے خبر رساں ادارے رائٹر کو بتایا کہ اگلے ہفتے تک کانگریس سے اس سودے کی منظوری متوقع ہے۔

اس سودے کےتحت امریکہ سعودی عرب کو جدید ایف پندرہ جنگی جہاز، بلیک ہاک اور اپاچی ہیلی کاپٹر اور دوسرا جدید سامان بیچے گا۔

امریکی ذرائع ابلاغ کے مطابق امریکہ اور سعودی عرب بحری جنگی سازوسان کے تیس ارب ڈالر کے ایک علیحدہ سودے پر بات چیت کر رہے ہیں۔ اس سودے کی زیادہ تفصیلات ابھی سامنے نہیں آئی ہیں اور نہ ہی کانگریس کو اس سودے کے بارے میں مطلع کیا گیا ہے۔

امریکہ اور سعودی عرب کے درمیان جنگی سازوسامان کا سب سے بڑا سودا ہے۔

امریکہ کے ایک بااثر اخبار وال سٹریٹ جنرل کے مطابق امریکی انتظامیہ مشرقِ وسطیٰ میں اپنے حلیف سعودی عرب کو ایران سے مقابلہ کے لیے مسلح کر رہا ہے۔

اس سودے کی وجہ امریکہ دفاعی صنعت میں پچھتر ہزار لوگوں کو روزگار ملے۔

کانگریس اس سودے کو روکنے یا اس ردو بدل کرنے کی مجاز ہے۔ البتہ ماہرین کا خیال ہے کہ امریکہ میں بڑھتی ہوئی بیروزگاری کو مدنظر رکھتے ہوئے کانگریس اس سودے کو منظور کر لے گی۔

[an error occurred while processing this directive]

BBC navigation

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔