صوبہ ہلمند میں بم دھماکہ، انیس شہری ہلاک

تصویر کے کاپی رائٹ 1

افغانستان میں حکام کے مطابق جنوبی صوبہ ہلمند میں سڑک کے کنارے نصب بم پھٹنے سے انیس شہری ہلاک ہو گئے ہیں۔

صوبائی ترجمان داؤد احمدی نے بتایا کہ ضلع سنگین میں، جو کہ طالبان کا حمایتی علاقہ سمجھا جاتا ہے، ایک چھوٹی مسافر بس سڑک کے کنارے نصب بم سے ٹکرا گئی۔ ہلاک ہونے والوں میں خواتین اور بچے بھی شامل تھے۔

منگل کے روز بھی، یومِ عشور کے موقع پر کابل شہر میں شیعہ ماتمی جلوس میں دو بم دھماکے ہوئے تھے جن میں اُنسٹھ ہلاکتیں واقع ہوئی تھیں۔

صدر کرزئی نے ان دھماکوں کے پیشِ نظر اپنا یورپ کا دورہ مختصر کر کے بدھ کے روز کابل واپسی کا اعلان کیا تھا۔ ان کا مقصد اس سانحے کے متاثرین کی عیادت کرنا ہے جو کہ یوم عاشور کو ماتمی جلوس کے دوران ہلاک ہوئے تھے۔

شمالی شہر مزار شریف میں ہونے والے ایک اور چھوٹے بم دھماکے اور ان دیگر دھماکوں کی وجہ سے ان خدشات کو ہوا مل رہی ہے کہ افغانستان میں فسادات کو کہیں فرقہ وارانہ رنگ تو نہیں دیا جا رہا؟

اسی بارے میں