متنازع جزیرہ، چین کی جاپان کو تنبیہ

آخری وقت اشاعت:  بدھ 15 اگست 2012 ,‭ 09:48 GMT 14:48 PST
جزیرے پر پہنچنی والی کارکنوں کی کشتی

کارکنوں کا کہنا ہے کہ جاپانی کشتیاں انکا پیچھا کررہی ہیں

ایک ایسے وقت میں جب ہانگ کانگ کے بعض سماجی کارکن چین اور جاپان کے درمیان متنازع جزیرے پر پہنچ رہے ہیں چین نے خبردار کیا ہے کہ جاپان اس کے شہریوں کی حفاظت کو خطرے میں نہ ڈالے۔

کیوڈو نیوز ایجنسی کے مطابق سماجی کارکنوں کی کشتی بدھ کی شام اس متنازع جزیرے پر پہنچنے والی ہے جس کو جاپان میں’سینکاکو‘ اور چین میں ’دیایو‘ کا نام سے جانا جاتا ہے۔

کارکنوں کا کہنا ہے کہ جاپانی کشتیاں ان کی کشتی کا پیچھا کر رہی ہیں۔

چین کے مشرقی سمندری علاقے میں واقع اس جزیرے پر گزشتہ مہنیوں میں چین اور جاپان کے درمیان کشیدگی میں اضافہ ہوا ہے۔

اس جزیرے پر تائیوان بھی اپنا حق جتاتا ہے حالانکہ اس پر جاپان کا قبضہ ہے۔

اپریل کے مہینے میں اس جزیرے پر اس وقت نیا تنازع شروع ہوا تھا جب ٹوکیو کے گورنر شنتارو اشیہار نے یہ کہا کہ وہ عوام کے پیسے سے اس جزیرے کوخرید لیں گے۔

چین کی سرکاری نیوز ایجنسی زنہوا کے مطابق وزارات خارجہ کے ترجمان کن گانگ نے ایک بیان میں کہا ہے جزیرے سے متعلق جو بھی پیش و رفت ہو رہی ہے اس پر ان کی حکومت گہری نظر رکھے ہوئے ہیں۔

ہانگ کانگ کی میڈیا نے سماجی کارکنان کے ترجمان کے حوالے سے کہا ہے کہ ان کی کشتی جزیرے سے کچھ میل دور ہے۔

وہیں خبر رساں ایجنسی اے ایف پی کا کہنا ہے کہ جاپانی سرحدی حفاظتی دستوں نے علاقے میں سیکورٹی میں اضافہ کیا ہے۔

اے ایف پی نے سرحدی حفاظتی فورس کے ایک اہلکار کے حوالے سے لکھا ہے ’ہم پوری طرح چوکس ہیں۔ ہم ان سماجی کارکنان کو جاپانی سمندر اور جزیرے میں داخل ہونے سے روکیں گے۔ حالانکہ ہم اس بات کی پوری احتیاط کا مظاہرہ کر رہے ہیں کہ اس دوران ان کے ساتھ کوئی تصادم نہ ہو۔‘

اطلاعات کے مطابق اتوار کو چین کا حامی ایک گروپ جزیرے کے سفر پر جائے گا۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔