افغانستان: فائرنگ سے نیٹو کے تین فوجی ہلاک

آخری وقت اشاعت:  جمعرات 30 اگست 2012 ,‭ 01:33 GMT 06:33 PST

رواں سال اس طرح کے تیس واقعات میں اتحادی افواج کے پینتالیس فوجی ہلاک ہو چکے ہیں

افغانستان میں نیٹو حکام کے مطابق افغان فوج کی وردی میں ملبوس ایک شخص کی فائرنگ سے نیٹو کے تین فوجی ہلاک ہو گئے ہیں۔

نیٹو ذرائع کے مطابق یہ واقعہ صوبہ ارزگان میں پیش آیا۔

آسٹریلیا کی ڈیفنس فورس یا اے ڈی ایف کی جانب سے جاری ہونے والے بیان میں اس بات کی تصدیق کی گئی ہے کہ افغانستان میں اس کے فوجی ہلاک ہوئے ہیں۔ لیکن اس نے ہلاکتوں کی تعداد نہیں بتائی ہے۔

صوبہ ارزگان میں اس وقت آسٹریلیا کے پندرہ سو فوجی تعینات ہیں۔

افغان سکیورٹی فورسز کی وردی میں ملبوس مسلح افراد کے حملے’ گرین آن بلیو‘ کے واقعات میں رواں سال اضافہ ہوا ہے۔

رواں سال اس طرح کے تیس واقعات میں اتحادی افواج کے پینتالیس فوجی ہلاک ہو چکے ہیں۔

افغان طالبان باقاعدگی سے افغان سکیورٹی فورسز کے اہلکاروں کو بھرتی کر رہے ہیں۔ طالبان نے کھلے عام اعلان کر رکھا ہے کہ نیٹو کے خلاف حکمت عملی میں

اندرونی حملوں کو مرکزی حیثیت حاصل ہے۔

نیٹو افواج نے سال دو ہزار تیرہ کے آخر تک افغانستان سے انخلاء کا اعلان کر رکھا ہے اور اس وقت وہ افغان سکیورٹی اہلکاروں کی تربیت کر رہی ہے تاکہ وہ ملک کی سکیورٹی ذمہ داری سنبھال سکیں۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔