بنگلہ دیش میں آتشزدگی، گیارہ ہلاک

آخری وقت اشاعت:  اتوار 18 نومبر 2012 ,‭ 17:17 GMT 22:17 PST

بنگلہ دیش کے دارالحکومت ڈھاکہ کے نواح میں واقع ایک کچی آبادی میں آگ لگنے سے کم از کم گیارہ افراد ہلاک ہو گئے ہیں۔

آگ صبح سویرے لگی اور گنجان آباد علاقے کو گھیرے میں لے لیا۔ آتشزدگی سے پانچ سو سے زائد گھر جل گئے۔

حکام کا کہنا ہے کہ ہلاک ہونے والوں میں پانچ عورتیں اور چار بچے شامل ہیں جبکہ کئی دوسرے لوگ شدید زخمی ہیں۔

آگ لگنے کی وجہ تاحال معلوم کی جا رہی ہے تاہم ابتدائی اطلاعات کے مطابق سگریٹ یا مچھر بھگانے کی کوائل اس آگ کا باعث بنی ہے۔

ڈھاکہ میں بی بی سی کے نامہ نگار کے مطابق ٹین، بانس اور پلاسٹک کی شیٹس سے بنے ہوئے گھروں کو آگ نے بہت تیزی سے اپنی لپیٹ میں لیا۔

اس کچی آبادی میں کم آمدنی والے افراد رہائش پذیر تھے جن میں رکشہ ڈرائیور اور مزدور شامل ہیں۔ اب ان میں زیادہ تر بے گھر ہو چکے ہیں۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔