ننگرہار: بارودی سرنگ کا دھماکا، دس بچیاں ہلاک

آخری وقت اشاعت:  پير 17 دسمبر 2012 ,‭ 07:07 GMT 12:07 PST

زخمی ہونے والی دو بچیوں کو ہسپتال منتقل کر دیا گیا ہے

افغان حکام کا کہنا ہے کہ ملک کے مشرقی علاقے میں بارودی سرنگ کے دھماکے میں کم از کم دس بچیاں ہلاک اور دو شدید زخمی ہوگئی ہیں۔

یہ دھماکا صوبہ ننگرہار کے ضلع چھپرہار کے گاؤں دولت زئی میں ہوا۔

دھماکے کا نشانہ بننے والی لڑکیاں جنگل سے لکڑیاں اکٹھا کرنے گئی تھیں۔

ان لڑکیوں میں سے ایک کی کلہاڑی بارودی سرنگ سے ٹکرائی جس سے دھماکا ہوا اور دس بچیاں موقع پر ہی ہلاک ہوگئیں۔

حکام کا کہنا ہے کہ مرنے والی بچیوں میں سے زیادہ تر کی عمریں نو سے گیارہ برس کے درمیان ہیں۔

زخمی ہونے والی دو بچیوں کو ہسپتال منتقل کر دیا گیا ہے اور حکام کے مطابق ان کی حالت نازک ہے۔

افغانستان میں دہائیوں سے جاری تنارع کے دوران بچھائی جانے والی بارودی سرنگیں پھٹنے کے واقعات اکثر پیش آتے رہتے ہیں۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔