بلی منشیات سمگل کرتے ہوئے پکڑی گئی

Image caption سمگلر بلی کی ویڈیو بھی جاری کی گئی ہے

مشرقی یورپ کے ملک مالدووا میں حکام نے ایک بلی پکڑی ہے جو جیل کے اندر منشیات سمگل کرنے کے لیے استعمال کی جا رہی تھی۔

یہ بلی جیل کے ایک سوراخ سے مخصوص اوقات میں آتی جاتی تھی۔

جاسوسی کے الزام میں گرفتار چرند و پرند

مالدووا کے علاقے پرونیکل میں واقع جیل کے محافظوں کو بلی کے گلے میں موجود پٹے کی موٹائی ہر چکر میں کم زیادہ ہونے پر شک پڑا اور انہوں نے اس کو پکڑ لیا۔

بلی کے گلے میں موجود پٹے سے منشیات برآمد ہوئی ہیں اور حکام تحقیقات کے ذریعے اس بلی کے مالک تک پہنچنے کی کوشش کر رہے ہیں۔

بلی کی تلاشی کے دوران بنائی گئی ایک ویڈیو وزارتِ انصاف کی ویب سائٹ پر موجود ہے۔

یہ پہلا موقع نہیں جب بِلی جیل اور باہر کی دنیا کے درمیان غیر قانونی رابطہ کاری کا ذریعہ بنی ہے۔ جون میں روس کی ایک جیل میں ایک بلی پکڑی گئی جس کے پیٹ کے ساتھ موبائل فون بندھے ہوئے تھے۔

اِسی طرح برازیل کے جیلروں نے ایک بِلی پکڑی تھی جس کے پیٹ کے ساتھ، جیل توڑنے کا سازوسامان بندھا ہوا تھا۔۔۔۔

بلی کے ذریعے جیل میں منشیات سمگل کرنے کے واقعات بھی پیش آ چکے ہیں۔

اسی بارے میں