ایرانی اسلحے سے لدا جہاز روک دیا ہے: اسرائیل

تصویر کے کاپی رائٹ IDF
Image caption اسرائیل کا دعوی ہے کہ یہ ہتھیار شام کے شہر دمشق میں جہاز پر لادھے گئے

اسرائیل کی وزارتِ دفاع کے حکام کا کہنا ہے کہ انہوں نے غزہ کی جانب گامزن ایرانی ہتھیاروں سے لدے ایک بحری جہاز کو روک لیا ہے۔

حکام کا کہنا ہے کہ بدھ کے روز بحیرۂ احمر میں پاناما کے ایک بحری جہاز پر اسرائیلی بحریہ کے فوجی اترے۔

اسرائیل کا کہنا ہے کہ جہاز پر راکٹ لانچر ملے ہیں اور اب اسے اسرائیلی ساحل پر لے جایا جا رہا ہے۔

غزہ میں برسرِاقتدار حماس کی جانب سے اس واقعے پر اب تک کو بیان نہیں آیا ہے۔

یاد رہے کہ اس سال کے آغاز میں اسرائیلی فضائیہ نے غزہ میں دو مقامات کو یہ کہہ کر نشانہ بنایا تھا کہ یہ مقامات دہشت گردوں کے تربیتی مراکز تھے۔

خبررساں ادارے روئٹرز نے اطلاع دی تھی کہ اسرائیلی فضائیہ کی طرف سے غزہ پر حملے سے قبل ایک فلسطینی نشانچی نے سرحد کے دوسری طرف ایک اسرائیلی شہری کو ہلاک کر دیا تھا۔

اسی بارے میں