میکسیکو سٹی میں ہسپتال کے باہر دھماکےمیں7 افراد ہلاک

تصویر کے کاپی رائٹ Getty
Image caption دھماکے کے بعد درجنوں لوگ زیر علاج ہیں

حکام کا کہنا ہے کہ میکسیکو سٹی کے ایک میٹرنٹی ہسپتال کے باہر گیس سے بھرا ہوا ایک ٹرک دھماکے سے پھٹا ہے جس میں تین نومولود بچوں سمیت کم از کم سات افراد ہلاک ہوگئے ہیں۔

شہر کے میئر کے مطابق کئی متاثرین اڑتے ہوئے شیشےلگنے سے زخمی ہوئے ہیں۔ میٹرنٹی ہسپتال کا ایک حصہ دھماکے کی شدت سے تباہ ہوگیا ہے۔

ایک اہلکار کا کہنا تھا کہ کچھ متاثرین اب بھی ملبے کے تلے دبے بھی ہو سکتے ہیں۔

دھماکہ میکسیکو سٹی کے مغربی کنارے پر پیش آیا تھا۔

ایمرجنسی عملہ جائے وقوعہ پر ملبے تلے دفن متاثرین کو تلاش کر رہے ہیں۔

میکسیکو سٹی کے میئر میگیل اینجیل مانسیرہ نے ایک مقامی ٹیلی ویژن چینل کو بتایا کہ کم اذ کم 54 افراد زخمی ہوئے ہیں جن میں سے 22 بچے ہیں۔

خبر رساں اداراے ایسوسی ایٹڈ پریس کے مطابق میئر نے مزید کہا کہ دھماکہ ممکنہ طور پر گیس کی ایک نالی میں لیک ہونے کی وجہ سے پیش آیا جب ٹرک ہسپتال پہنچ گیا تھا۔

اسی بارے میں