باغات کی بہترین عکس بندی

عالشیان باغوں کے بڑے بڑے مناظر سے لیکر پھولوں کی نہایت قریب سے کھینی گئی ہزاروں تصویروں کی چھانٹ پھٹک کے بعد آخر کار باغات کی تصاویر کے اس سال کے بین الاقوامی مقابلے ’انٹرنیشنل گارڈن فوٹوگرافر‘ کی بہترین تصاویر منظر عام پر آ گئی ہیں۔

مقابلے میں کئی شعبوں یا کیٹیگریز کو شامل کیا گیا تھا جن میں ایک اکیلے پودے کی تصویر سے لیکر ذاتی باغات، شہروں کے بیچ سرسبز باغات اور قدرتی جنگلی مناظر سمیت ہر قسم کی تصاویر بھیجنے کی اجازت دی گئی تھی۔

مقابلے میں بہترین قرار دی جانے والے تصاویر کو دنوں مغربی لندن کے ’کیو گارڈن‘ میں نمائش کے لیے پیش کیا جا رہا ہے، جس کے بعد انھیں انگلینڈ اور سکاٹ لینڈ کے کئی مقامات پر نمائش کے لیے پیش کیا جائے گا۔

تصویر کے کاپی رائٹ BBC World Service

یہ تصویر جان روجر پالمور کی ہے جسے انھوں نے ’ہمارے باغ میں فروری کی ایک صبح‘ کا نام دیا ہے۔

تصویر کے کاپی رائٹ BBC World Service

اینڈریا جونز نے سکاٹ لینڈ کے ایک ایسے باغ کی تصویر بھیجی جس کا بہت خیال رکھا جاتا ہے۔ ’ایک شخص کی کاوش‘ نامی اس تصویر کے بارے میں اینڈریا کا کہنا تھا کہ انہیں باغ میں اپنی پسند کی روشنی کا کئی دنوں تک انتظار کرنا پڑا تھا کیونکہ وہ سرد موسم کو تو تصویر میں سمونا چاہتی تھیں لیکن صرف ایسا سرد موسم جس میں برف کا شائبہ نہ ہو۔

تصویر کے کاپی رائٹ BBC World Service

سویڈن سے جیکی ہوبز کو یہ منظر بہت اچھا لگا جب پکے ہوئے سرخ سیبوں کو درختوں سے اتارا جا رہا تھا اور قریب ہی ایک سرخ ٹریکٹر بھی کھڑا تھا۔

تصویر کے کاپی رائٹ BBC World Service

ڈنکن ہیرنگ نے یہ تصویر شمال مغربی لندن میں صبح سویرے اتاری جہاں وہ اصل میں کسی ہرن کی تلاش میں گئے تھے لیکن جب تصویر کھیچی تو اس میں ایک دوسرا فوٹوگرافر دکھائی دیا شاید خود بھی ڈنکن کی طرح کسی ہرن کی تلاش میں نکلا تھا۔

تصویر کے کاپی رائٹ BBC World Service

مشرقی یورپ کے قدرتی باغ میں لہلہاتے ہوئے یہ گلِ لالہ بلندی سے دیکھنے پر اتنے بڑے میدان میں شاید دکھائی بھی نے دیتے لیکن قریب سے کھیچی ہوئی اس تصویر نے انھیں بہت اجاگر کر دیا۔

تصویر کے کاپی رائٹ BBC World Service

یہ اور اگلی دونوں تصاویر ’شہر میں سبزہ‘ کی کیٹیگری میں شامل تھیں۔ امریکہ کے ایک عوامی پارک میں اتاری گئی ’چیری بلاسم کے ہیرے‘ نامی یہ تصویر امینڈا کلینمین نے بھیجی۔

تصویر کے کاپی رائٹ BBC World Service

ڈیوڈ تھرسٹن نے ایک نوجوان لڑکی کی یہ تصویر بھی امریکہ سے بھجوائی تھی۔

تصویر کے کاپی رائٹ BBC World Service

پہلی نظر میں آپ شاید سوچیں کہ ’برساتی گلیاں‘ نامی اس تصویر میں وینڈا ریلوسکا نے کیا دکھانے کی کوشش کی ہے، لیکن جب آپ غور سے دیکھتے ہیں تو آپ کو پتہ چلتا ہے یہ اصل میں پانی میں ایک منظر کا عکس ہے۔

تصویر کے کاپی رائٹ BBC World Service

مارک گریز کی یہ تصویر ’درخت اور جنگلات‘ کی کیٹیگری میں اول قرار دی گئی۔

تصویر کے کاپی رائٹ BBC World Service

یہ ڈراؤانا دکھائی دینے والا منظر فلوریڈا سے پال مارسیلی نے مقابلے میں روانہ کیا تھا۔پال عموماً رات کو نکل جاتے ہیں اور ٹارچ کی روشنی کی مدد سے منظر کشی کرتے ہیں۔