امریکہ میں سعودی شہزادہ سیکس کے الزامات میں گرفتار

Image caption سعودی سفارت خانے کی جانب سے اس معاملے پر کوئی ردعمل سامنے نہیں آیا

امریکی ریاست کیلیفورنیا کے شہر بیورلی ہلز میں ایک سعودی شہزادے کو مبینہ طور پر ایک خاتون کو سیکس پر مجبور کرنے کے الزام میں گرفتار کیا گیا ہے۔

لاس اینجلس کی پولیس کا کہنا ہے کہ 28 سالہ مجید عبدالعزیز السعود کو بیورلی ہلز کے ایک پرتعیش مکان سے بدھ کے روز گرفتار کیا گیا۔

پولیس کے مطابق سعودی شہزادے کو گرفتاری کے اگلے دن تین لاکھ ڈالر کے بانڈ کے عوض رہا کر دیا گیا۔

’وہ خود پر زبردستی سیکس پر مجبور کرنے کےالزامات کا سامنا کرنے کے لیے 19 اکتوبر کو عدالت میں پیش ہوں گے اور انھیں سفارتی استثنیٰ حاصل نہیں ہے۔‘

لاس اینجلس ٹائمز کے مطابق اس واقعے کے بارے میں سعودی شزادےکے ہمسایے نے اس وقت پولیس کو آگاہ کیا جب اس نے ایک زخمی خاتون کو دیکھا جب مدد کے لیے پکار رہی تھی اور شہزادے کے مکان کی دیوار پھلانگنے کی کوشش کر رہی تھی۔

اس ضمن میں سعودی سفارت خانے کی جانب سے کوئی ردعمل سامنے نہیں آیا ہے۔

اسی بارے میں