ملانیا ٹرمپ اپنے ٹوئٹر اکاؤنٹ کی روشنی میں

تصویر کے کاپی رائٹ Reuters

اگر امریکہ میں صدارتی انتخابات میں ڈونلڈ ٹرمپ کامیاب ہو گئے تو ملانیا ٹرمپ ملک کی خاتون اول بن جائیں گی۔

سلووینیا سے تعلق رکھنے والی ماڈل میلانیا ڈونلڈ ٹرمپ کی تیسری بیوی ہیں اور انھوں نے ایک اخبار کے خلاف ہرجانے کا مقدمہ دائر کیا ہے جس نے ان پر ماضی میں سیکس ورکر ہونے کا الزام عائد کیا تھا۔

ماضی میں ان کا کہنا تھا کہ وہ اگر وہ وائٹ ہاؤس پہنچیں تو ‘بہت روایتی‘ ہوں گی۔

لیکن ان کا ٹوئٹر اکاؤنٹ کچھ اور ہی کہانی بیان کرتا ہے، جس میں شیر کی شکل والا سوئمنگ سوٹ اور پھلوں کی آرائش بھی شامل ہے۔

سنہ 2016 میں ملانیا کا ٹوئٹر پروفائل ایک بہترین سیاسی بیوی سے قریب تر دکھائی دیتا ہے۔ لیکن تھوڑا پیچھے جائیں، جب ان کے شوہر صدارتی انتخابات کا حصہ نہیں تھے تو کچھ دلچسپ پہلو سامنے آتے ہیں۔

تصویر کے کاپی رائٹ Twitter

وہ اپنے شوہر کے ساتھ اٹکھیلیاں کرتے ہوئے انھیں اپنی شادی کی سالگرہ کے بارے میں یاد کرواتی ہیں۔

آپ امید کر سکتے ہیں ارب پتی بیوی کے طور پر مہنگے جوتے، اور مین ہٹن کی بلند و بالا عمارتوں میں واقع گھر کی گئی تصاویر شامل ہوں گی۔

لیکن ایک حد تک وہ ہم سب کی طرح ہیں۔

وہ ورزش کے دوران موسیقی سنتی ہیں۔

تصویر کے کاپی رائٹ Twitter

یہ بھی ظاہر ہوتا ہے کہ وہ مختلف قسم کی موسیقی پسند کرتی ہیں۔ انھیں مائلی سائرس اور ایرو سمتھ پسند ہیں۔

تصویر کے کاپی رائٹ Twitter

وہ تسلیم کرتی ہیں کہ ان کا ایک پسندیدہ گھر ہے لیکن وہ ہفتہ وار چھٹیاں اپنے شوہر کے ساتھ گزارتی ہیں۔

تصویر کے کاپی رائٹ Twitter

وہ ہیلووین کے لیے خاص لباس پہنتی ہیں۔ اس لباس کو انھوں نے ’سیکسی فائر فائٹر‘ کا نام دیا۔

تصویر کے کاپی رائٹ Twitter

اچھا، ہم سب کی طرح نہیں۔ ہمارے پاس نہ تو ذاتی جہاز ہیں اور نہ ان میں سونے کا ساز و سامان۔

اور ہماری سنیچر کی شامیں ایسی نہیں ہوتیں۔

تصویر کے کاپی رائٹ Twitter

وہ ایک ماں بھی ہیں۔

تصویر کے کاپی رائٹ Twitter

آپ ایسا طلائی پرام کہاں سے خرید سکتے ہیں؟

آپ نے دیکھا کہ پرام پر ان کی اور ڈونلڈ ٹرمپ کی چھوٹی چھوٹی تصاویر لگی ہوئی ہیں۔ شاید امیر لوگ ایسا کرتے ہیں۔ ہمیں یہ بھی پتہ چلتا ہے کہ انھیں پھل پسند ہیں۔

تصویر کے کاپی رائٹ Twitter

انھیں پھلوں کو خوبصورت انداز میں پیش کرنا اچھا لگتا ہے۔ سٹرابریاں کبھی اتنی خوبصورت نہیں دکھائی دیں۔

یہ بھی کہا جا سکتا ہے کہ انھیں بیکنگ بھی پسند ہے۔

تصویر کے کاپی رائٹ Twitter

لیکن ایک تصویر ایسی ہے جس پر انھیں سب سے زیادہ پچھتاوا ہوا ہوگا۔

کیا یہ افسوس کی بات نہیں کہ دوستیاں ختم ہو جاتی ہیں؟

اسی بارے میں