ИШИД инқирози: Мўсулдан кейин навбат Раққагами?

Фото муаллифлик ҳуқуқи Reuters
Image caption Раққа

АҚШ томонидан қўллаб-қувватланаётган кучлар Раққада ИШИД жангариларини қамал қилишганини даъво қилишмоқда.

Раққа шаҳрини ИШИД ўзининг минтақадаги "халифалик пойтахти" деб билади.

Сурия Демократик кучлари деб аталмиш курд ва араб жангариларидан ташкил топган қўшинлар Раққадан жанубга томон йўлларни ҳам қамал қилганини айтган.

Раққа 2014 йилда ИШИД жангарилари томонидан босиб олинганди.

Мўсул ИШИДдан озод этилдими?

Фото муаллифлик ҳуқуқи Reuters
Image caption Мўсулнинг вайрон бўлган минораси

Сўнгги хабарларга кўра, ИШИД Ироқнинг Мўсул шаҳри устидан назоратни бой берган.

Шаҳарнинг вайрон қилинган Ал Нурий масжиди ҳам Ироқ кучлари назоратига ўтган.

Би-би-сининг Ироқ кучлари билан бўлган мухбирига кўра, айни масжид комплексида ҳамон ИШИД мерганлари мавжуд.

Жангарилар ўтган ҳафта минтақадан чекинишар экан, бу қадимий масжид ва минорани портлатиб юборишганди.

Ироқ Бош вазири Ҳайдар ал Абади масжидни жангарилардан тозалаш амали " сохта ИШИД давлатининг интиҳосидир", деб айтган.

Халқаро янгиликлар видеода

Bi-bi-si O'zbek xizmati bilan Whatsapp, Telegram va Viber orqali bog'lanishni istasangiz, telefonimiz: +44 78-58-86-00-02

Алоқадор мавзулар