Ўзбекистон ҳалок бўлган фуқароларини келтириш учун самолёт жўнатди

Фото муаллифлик ҳуқуқи eap_kz
Image caption Ўзбеклар кетаётган автобус

Ўзбекистон ҳукумати расмийлари ҳозир ҳалокат содир бўлган Оқтўбе шаҳрига Тошкентдан самолёт жўнатган.

Ўзбек ҳукумати қурбонларнинг яқинларига ва қариндошларига ҳамдардлик билдирди.

Расмийлар жабрланганларнигн аҳволи ва ушбу ҳодисага оид кенгроқ маълумот олиш учун махсус телефон линияси ташкил этишган.

Бир кун олдин - 22 июнда содир бўлган йўловчит автобуси ҳалокатида 9 нафар ўзбекистонлик оламдан ўтган. Яна 17 ўзбекистонлик жароҳат олган.

Ўзбеклар Россияга ишлайдиган муҳожирлар, деб кўрилмоқда.

Ўзбекистон тарихида илк бора ҳукумат четда фалокатга учраган ўзбеклар ҳақида бу қадар қайғурмоқда.

Олдинроқ расмийлар уларга барча кўрсатилишини айтишган. Расмийлар уларнинг исмларини ҳам эълон қилишганди.

Жумаев Тоштемир Аҳмадович, 07.1988 йилда туғилган, пропискага олинган манзили: Сурхондарё вилояти, Бандихон тумани, «Бандихон» қишлоқ фуқаролар йиғини (ҚФЙ), Қизилқалоқ кўчаси.

Эргашев Музаффар Абубакирович, 04.1991 йилда туғилган, пропискага олинган манзили: Жиззах вилояти, Зарбдор тумани.

Қаҳҳоров Ўлмасбек Бўронбоевич, 03.1982 йилда туғилган, пропискага олинган манзили: Андижон вилояти, Марҳамат тумани, «Кўтарма» ҚФЙ), Кичик Кўтарма кўчаси.

Алиев Шоҳрухбек Шавкат ўғли, 11.1990 йилда туғилган, пропискага олинган манзили: Андижон вилояти, Бўз тумани, «Ховас» ҚФЙ, Завроқ кўчаси.

Мўминов Абдурасулхон Парпиевич, 10.1984 йилда туғилган, пропискага олинган манзили: Наманган вилояти, Янгиқўрғон тумани, «Зарбдор» ҚФЙ.

Холбоев Анваржон Акрамжонович,08.1988 йилда туғилган, пропискага олинган манзили: Фарғона вилояти, Ёзёвон тумани, «Қатортол» ҚФЙ, Пинаж кўчаси.

Турсунов Қудратали Рустамалиевич, 06.1981 йилда туғилган, пропискага олинган манзили: Наманган вилояти, Чуст тумани, «Шўркент» ҚФЙ.

Қурбонов Иқболжон Илҳомжонович, 05.1987 йилда туғилган, пропискага олинган манзили: Фарғона вилояти, Риштон тумани, «Мехнатобод» ҚФЙ.

Қодиров Зоҳиджон Зоирович,04.1982 йилда туғилган, пропискага олинган манзили: Фарғона вилояти, Бешариқ тумани, «Яккатут» ҚФЙ.

Нобуд бўлган ўзбекистонликлар аксар ёш йигитлар. Улар Андижон, Жиззах, Сурхондарё, Наманган ва Фарғона вилоятларидан бўлишган.

Ислом Каримов даврида четда ишлайдиган ўзбекистонликларга ҳукумат назари салбий эди. Марҳум президент Каримов ҳатто уларни "дангасалар" деб атаганди.

Бироқ янги президент Шавкат Мирзиёв уларнинг шароитларини яхшилаб, ҳуқуқларини таъминлашга интилмоқда.

Жаноб Мирзиёев четдаги муҳожирларни "фарзандларимиз" деб атади.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02

Бу мавзуда батафсилроқ