Ўзбекистонда туғилмаган ўзбек ёшлари: #Kirillgaqaytmaymiz

Facebook/ManguBitiklar Фото муаллифлик ҳуқуқи Facebook/ManguBitiklar

Охирги кунларда Интернет ижтимоий тармоқларида, Ўзбекистон учун Кирилл алифбосида қолиш яхшими ёки Лотинга ўтиш, деган савол атрофида баҳс-мунозара кучайгани кузатилмоқда.

10 август куни адабиётшунос, "Жаҳон адабиёти" журналининг Бош муҳаррири Шуҳрат Ризаевнинг "Президентга мактуб" очиқ хати эълон қилинди.

Президентга мактуб

Шуҳрат Ризаевнинг ушбу таклифига қарши қатор зиёлилар қарши чиқдилар.

Ўзбек алифбосининг келажаги борасида баҳс қизимоқда

Интернетга #Kirillgaqaytmaymiz ҳештеги ҳам олиб чиқилди.

#Kirillgaqaytmaymiz ҳештеги остида Ўзбекистонда туғилмаган ўзбекларнинг Президент Шавкат Мирзиёевга мурожаати эълон қилинди.

Қуйида ушбу мурожаатнинг Кирилл ва Лотин алифбосидаги матнларини эълон қилмоқдамиз.

Ўзбекистонда туғилмаган ўзбек ёшлари: #Kirillgaqaytmaymiz

Ўзбекистон президенти Шавкат Мирзиёев жанобларига!

Ҳурматли Шавкат Миромонович!

Биз Ўзбекистонлик бўлмаган дунё ўзбеклари ёшлари сизга мурожаат қилмоқдамиз!

Ўтмишимиздан маълумки, Оқпошшо ва совет босқинининг аянчли даврлари, террор балоси, Афғонистон ва Покистондаги урушлар ҳозирда 50 миллиондан ортиқ бўлган ўзбек миллатини ҳар ерга парчалаб юборди!

Бугунимизда Ўзбекистондан ташқарида 20 миллиондан ортиқ ўзбек миллатига мансуб инсонлар яшамоқдалар.

Ҳурматли Юртбоши! Афғонистон ва покистонлик ўзбекларимизнинг аҳволлари ҳавас қиладиган даражада эмас. Ўзингизга маълумки, Афғонистондаги ва Покистондаги террор балолари, урушлар Афғонистон ва Покистон ўзбекларини дунё ўзбекларидан анча вақтга узиб қўйганди .

Тангрига шукур, Ўзбекистонимиз ҳам эркинликка эришиши билан дунё ўзбекларига ёрдам қўлини чўза бошлади. Хусусан, Афғонистонда Ўзбекистон номидан мактаблар қуриб берилди, Қирғизистонда эса сизнинг буйруғингиз билан Ўзбекистон ҳукумати Ўш шаҳрида ўзбекларга мактаб қуриб бермоқда, биз бундан миннатдормиз.

Жаноб Юртбоши. Шукур, охирги даврларда дунё ўзбеклари бир-бирларини изламоқдалар, қайтадан алоқаларни тикламоқдалар.

Дунё ўзбекларининг яқинлашишида, албатта, 1996 йили Ўзбекистоннинг биринчи Президенти томонидан лотин алифбоси расман қабул қилиниши асосий роль ўйнади!

Биз лотин ёзуви орқали Отаюртимиз Ўзбекистонга қайта боғлана олдик!

Мана шу хайрли иш туфайли лотин алифбоси жорий бўлгандан кейин маданий алоқалар Ўзбекистондан бошқариладиган онлайн-порталлар ва кутубхоналар туфайли қайтадан тикланди. Афғонистондаги 10 миллионга яқин ўзбекларда ва бошқа давлатдаги ўзбекларда тил ва ўзликни кучайтириш учун янги умид туғилди. Ҳар куни афғонистонлик юздан ортиқ ўзбеклар лотин алифбоси туфайли, ўзларининг она тилига бўлган чексиз севгиси ва талаби туфайли мана шу онлайн-кутубхона ва онлайн-порталлардан фойдалана бошлади.

Биз Ўзбекистонда туғилмаган ўзбеклар куни кеча ўзбекистонлик бир адабиётшунос кирилл ёзувига қайтайлик, деган очиқ хатни сизнинг қабулхонангизга юборганини эшитиб, ҳақиқатан, яна маънавий алоқамиз узилади, деган хавотирга бордик.

Жаноб Президент! Афғонистонда ўзбек тили таълим тизими 0 фоизга тенглиги сабаб араб ва форс тилларига қоришиб, йўқ бўлиб кетиш арафасида қолган пайтда биз лотин ёзуви билан интернет ресурслари орқали Ўзбекистон ва бошқа ерлик ўзбеклар билан алоқани тикладик, тилимизни ҳам мана шу интернет орқали қайта ўрганмоқдамиз! Лотин ёзувидаги электрон китоблар билан буюк аждодларимиз асарларини ўқиб бормоқдамиз!

Шавкат Миромонович, сиздан ҳурмат ва адаб ила истаймизки, лотин алифбоси Ўзбекистонда ягона ёзув бўлсин, дунё ўзбеклари ила Ўзбекистон ўзбеклари орасидаги ришта узилмасин!

Сизга таклиф қилинган кирилл ёзувини қайтадан Ўзбекистонда расмий ёзув қилиш истагида бўлганларга рад жавобини бериб, ўзбекистонликлар ва бутун дунё ўзбекларига қулай бўлган ўзбек лотин алифбосини яна қайта мукаммал қилиб яратишингизни илтимос қилиб қоламиз!

Ҳурмат билан Ўзбекистонда туғилмаган ўзбек ёшлари:

Хайир Салжуқий - Афғонистон

Баҳром Баҳруддин Баҳоий - Афғонистон

Асадуллоҳ Эркин - Афғонистон

Жавлон Анваров - Қирғизистон

Раҳмонжонов Баҳром - Қирғизистон

Зикрилло Мирзаев - Қозоғистон

Ҳамдам Ҳошим - Афғонистон

Холёр Аминхон - Афғонистон

Абдулҳамид Пардаев - Ўзбекистон

Отабек Умар - Ўзбекистон

Ҳайир Муҳаммад Улус - Покистон

Назарбек - Саудия Арабистони

Моҳиб Ҳамидий - Афғонистон

Розиа Шаран - Афғонистон

Ҳусамуддин Тўйғон - Афғонистон

Алим Кўҳкан - Афғонистон

Нодир Ҳикмат Кулели - Туркия

Ёш фаолларнинг мактуби Facebook тармоғида эълон қилинган.

O'zbekiston Yurtboshisi Shavkat Mirziyoyev janoblariga ochiq xat!

O'zbekistonda tug'ilmagan O'zbeklar:

OCHIQ XAT

O'zbekiston prezidenti Shavkat Mirziyoyev janoblariga!

Hurmatli Shavkat Miromonovich!

Biz O'zbekistonlik bo'lmagan dunyo O'zbeklari yoshlari sizga murojaat qilmoqdamiz!

O'tmishimizdan ma'lumki Oqposhsho va sovet bosqinining ayanchli davrlari,terror balosi,Afg'oniston va Pokistondagi urushlar hozirda 50 milliondan ortiq bo'lgan O'zbek millatini har yerga parchalab yubordi!

Bugunimizda O'zbekistondan tashqarida 20 milliondan ortiq O'zbek millatiga mansub insonlar yashamoqdalar.

Hurmatli Yurtboshi! Afg'oniston va Pokistonlik, O'zbeklarimizning ahvollari havas qiladigan darajada emas,O'zingizga ma'lumki Afg'onistondagi va Pokistondagi terror balolari,urushlar Afg'oniston va Pokiston O'zbeklarini dunyo O'zbeklaridan ancha vaqtda uzib qo'ygandi .

Tangriga shukur , O'zbekistonimiz ham erkinlikka erishishi bilan dunyo O'zbeklariga yordam qo'lini cho'za boshladi,xususan afg'onistonda O'zbekiston nomidan maktablar qurib berildi, Qirg'izstonda esa sizning buyrug'ingiz bilan o'zbekiston hukumati O'sh shahrida O'zbeklarga maktab qurib bermoqda biz bundan minnatdormiz

Janob Yurtboshi. Shukur oxirgi davrlarda dunyo O'zbeklari bir birlarini izlamoqdalar,qaytadan aloqalarni tiklamoqdalar .

Dunyo O'zbekllarining yaqinlashishida albatta 1996 yili O'zbekistonning birinchi Prezidenti tomonidan Lotin alifbosi rasman qabul qilinishi asosiy rol o'ynadi!

Biz Lotin yozuvi orqali Otayurtimiz O'zbekistonga qayta bog'lana oldik!

Mana shu xayrli ish tufayli lotin alifbosi joriy bo'lgandan keyin qaytatdan madaniy aloqalar

O'zbekistondan boshqariladigan online portallar va kutubxonalar tufayli tiklandi va Afg'onistondagi 10 millionga yaqin O'zbeklarda va boshqa davlatdagi O'zbeklar til va o'zlikni kuchaytirish uchun yangi umid tug'ildi, va har kuni yuzdan ortiq Afg'onistonlik O'zbeklar

Lotin alifbosi tufayli o'zlarini onatiliga bo'lgan cheksiz sevgisi va talabi tufayli mana shu online kutubxona va online portallardan foydalana boshladi.

Biz O'zbekistonda tug'ilmagan O'zbeklar Kuni kecha O'zbekistonlik bir adabiyotshunos kirill yozuviga qaytaylik degan ochiq xatni sizning qabulxonangizga yuborilganini ishitib haqiqattan yana ma'naviy aloqamiz uziladi degan xavotirga bordik

Janob Prezident! Afg'onistonda O'zbek tili ta'lim tizimi 0 foizga tengligi sabab Arab va fors tillariga qorishib yo'q bo'lib ketish arafasida qolgan paytda biz lotin yozuvi bilan internet resurslari orqali O'zbekiston va boshqa yerlik O'zbeklar bilan aloqani tikladik,tilimizni ham mana shu internet orqali qayta o'rganmoqdamiz!Lotin yozuvidagi elektron kitoblar bilan buyuk ajdodlarimiz asarlarini o'qib bormoqdamiz!

Shavkat Miromonovich sizdan hurmat va adab ila istaymizki Lotin alifbosi O'zbekistonda yagona yozuv bo'lsin,Dunyo O'zbeklari ila O'zbekiston o'zbeklari orasidagi rishta uzilmasin!

Sizga taklif qilingan kirill yozuvini qaytadan O'zbekistonda rasmiy yozuv qilish istagida bo'lganlarga rad javobini berib, O'zbekistonliklar va butun dunyo O'zbeklariga qulay bo'lgan O'zbek lotin alifbosini yana qayta mukammal qilib yaratishingizni iltimos qilib qolamiz!

Hurmat bilan O'zbekistonda tug'ilmagan O'zbek yoshlari

Бу мавзуда батафсилроқ