"طالبان بیلن مذاکره لر یوققه چیقدی"

طالبان
Image caption سونگی وقتلرده یوقاری مرتبه لی طالبان رهبرلری پاکستان تامانیدن قولگه کیرتلگن

بیرلشگن مللت لر تشکیلاتی نینگ افغانستان ده گی سابق مخصوص وکیلی کای آیده پاکستان نی ،یوقاری مرتبه لی طالبان ملازم لرنی حبس گه آلیش لری اوچون کسکین بیرشکلده تنقید قیلیب چیققن.

جناب آیده گه کوره ، طالباننی پاکستان ده حبس گه آلنیشی بیرلشگن مللت لر و طالبان آره سیده قورلگن مخفی علاقه لرنی بوتونلی توخته تیب قویگن

پاکستان رسمی لری یوقاری مرتبه لی طالبان ملازم لرینی قولگه آلیشدن مقصد عملگه آشیرله یاتگن مذاکره لرنی بوزیش بولمه گنینی ایتب کیلگن لر.

جناب آیده برینچی بار، یوقاری مرتبه لی طالبان بیلن رسمی بیرشکلده علاقه لرنی بوندن بیر ییل مقدم قورلگنی خصوصیده اشکار صحبت لشماقده.

اونگه کوره یوز-مه-یوز صحبتلر دبی و باشقه مملکت لرده عملگه آشیرلگن.

"برینچی علاقه اوتگن بهارده قورلگندی ، اوندن کیین سیلاو بولیب قالدی، سیلاو پیتی علاقه لر کمیگندی ، سیلاو آرتیدن طالبان بیلن علاقه لر اوز اوجیگه ایتگندی .بو صحبت لر اوتگن بیرنیچه هفته گچه هم دوامی بار ایدی ،" دیب ایتدی او

جناب آیده طالبان بیلن تورلی درجه ده و تورلی خیل یوللر بیلن علاقه لرنین قورلگنی و بو مذاکره لرده جمهور رئیس حامد کرزی نینگ یوقاری مرتبه لی طرفدار لری هم اشتراک ایتگنینی معلوم قیلگن.

ناروی پایتختی اوسلو تشقری سیده گی اوییده صحبت لشگن جناب آیده ،باشقه یوللر آرقه لی موجود بولگن علاقه لر باره سیده انیق معلومات بیرشمه گن.

"قیزل چیزیغ "

جناب کای آیده طالبان بیلن صحبت لرنی" ایلک باسقیچ لرده بولگنی...... صحبت حقیده صحبت لشلگنی " اولراق شرح بیرگن.

او،ایککی تامان آره سیده ایشانچ نی قوریب ، ایلگری باریش و هرقندی بیرجریانده کیرک بولگنیدیک "قیزل چیزیغ لرنی " قوریش اوچون هفته لر ، آی لر و بلکی اوزاق مدتگه احتیاج بارلیگنی آگاه لنتره دی.

حامد کرزی نینگ یقین مصلحت چی لردن بیری نینگ ایتیشچه سونگی آی لرده طالبان بیلن علاقه لر کوچی گن.

اونگه کوره پاکستان ده طالبان رهبر لرنی توتقون گه کیرتلیشی بوجریانی اوستیده سلبی تاثیر قویشگن.

سونگی وقت لرده طالبان رهبر لرنی پاکستان تامانیدن نمه اوچون قولگه کیرتلگنی مساله سی کوپگینه شک شبهه بیلن دوچ کیلشماقده.

" پاکستان اوینه شی کیرک بولگن رولنی اوینه مه دی .پاکستان بو شخص لرنی کیم بولگنی وقندی مقامگه ایگه بولیش لرینی بیلشردی ، اونینگ تاثیر لرینی حاضر کورماقده میز " دیب ایتدی کای آیده

جاری هفته دوامیده صحبت لشگن پاکستان حربی کوچ لر سوزچی سی جنرال اختر عباس ، بو توتقون لر مذاکره لرنی توخته تیش اوچون یولگه قوییلگنینی رد ایتگن.

"یوقاری مرتبه لی طالبان رهبرلری "

Image caption جناب آیده یوقاری مرتبه لی طالبان ملازم لری بیلن علاقه قورگنینی هم معلوم قیلگن

جناب کای آیده افغانستان ده کی ایککی ییلیک ماموریت دن سونگ برینچی مرته صحبت لشماقده.

جناب آیده یوقاری مرتبه لی طالبان ملازم لری بیلن علاقه قورگنینی هم معلوم قیلگن..

" بیز یوقاری مرتبه لی طالبان رهبر لری بیلن اوچره شدیک، بیز کوتته شورا سیده ، صلاحیت گه ایگه بولگن شخص لرنی هم مذاکره لر میزده قوشگن دیک ."

یوقاری مرتبه لی طالبان اعضا لری پاکستان نینگ کوتته شهریده جایلشگنی و شوباعث هم عین شورا ، کوتته کینگاشی یا شورا سی دیب نام لنگن.

طالبان نینگ اساسی قرار و مصلحت لر عین شورا تامانیدن آلینه دی.

جناب آیده ، طالبان بیلن قورله یاتگن هر بیر علاقه طالبان رهبری ملا محمد عمر رضایتی بیلن عملگه آشیرله یاتگنینی اویله شینی ایتدی.