اداری فساد افغان خلقی نینگ ییریک معما سی

پول
Image caption حساباتگه کوره افغانستانده اداری فساد قشاقلیک ، ایشسیز لیک و حتی خوفسیز لیک یا امنیتدن کوره هم کته راق بیر معما سنلگن

بیرلشگن ملتلر مخد ماده لر و جنایتچیلیککه قرشی اداره سی نینگ ینگی حسباتیگه کوره افغانستانلیکلر نینگ اکثریتی اداری فساد نی مملکتلریده کی اینگ ییریک معما دیب بیلیشه دی.حساباتگه کوره ، اهالی ننیگ یریمیدن کوپراقی ، اداری فساد، قشاقلیک ، ایشسیز لیک و حتی خوفسیزلیکدن کوره هم دالضرب معما دیگن فکرده.

"افغانستانده اداری فساد " دیب نامله نوچی اوشبو سوراو 12 ولایت و و 1600 قشلاقده اوتکزیلیب اونده 7600 کیشی قتنشگن.

حسابات نینگ کورسه تیشیچه ، رشوه (پاره) بیریش افغانستانده کی کونده لیک حیات نینگ بیر قسمیگه ائلنگن. اوتکزیلگن سوراوده قتنشگن هر ایککی کیشیدن بیر نفری ، دولت رسمیلریگه اینگ آزیده بیر نیرسه لر بیریش گه مجبور بولگن. شو ننیگ دیک حساباتگه قتنشگن لر ننیگ یریمیدن کوپراقیدن (56%) خادملر تمانیدن ناقانونی پول بیریشیلیشی طلب ایتیلگن.

اکثریت حاللرده رشوه یا افغانستان ده کی تعبیرچه بخشش نقد پول بیلن بیریلگن.

یلپی ایچکی درامد (خالص درآمد) بیر ییلده فقط گینه 425 امریکا دالری بولگن قشاق بیر ممکلتده اورته چه رشوه( پاره ) 160 امرکیا دالری بولگن لیگی معلوم ایتیلگن .

حساباتده کورستیلیشیچه معما کولمی جوده کینگ . عمومی شکلده افغانلر اوتکن 12 آی دوامیده 2.5 میلیارد امریکا دالرینی رشوه (پاره) بیریشگن – بو مبلغ ایسه افغانستان نینگ قانونی ایچکی یلپی درآمدی نینگ 23% گه تینگ دیر.

بیرلشگن ملتلر تشکیلاتیگه کوره تصادف بیلن اوشبو مبلغ 2009 نیچی میلادی ییلیده ناقانونی افیون سودا سیدن قولگه کیلگن 2.8 میلیارد دالر بیلن دییرلی تینگ دیر.

بیرلشگن ملتلر نینگ مخدر ماده لر و جنایتچیلیک گه قرشی اداره سی باشلیغیگه کوره ، فساد و مخدر ماده لر افغانستان اینگ کوپ درامد کیلتیروچی منبعگه ائیلنگن.

کته متهملر

سوراو نتیجه سیدن معلوم بولیشیچه ، افغانستانده قانون حمایه چیلری ، قانونی ننیگ اینگ ییریک بوزوچیلری صفتیده کوریله دی.

سوراو نتیجه سیدن معلوم بولیشیچه ، افغانستانده قانون حمایه چیلری ، قانونی ننیگ اینگ ییریک بوزوچیلری صفتیده کوریله دی.

سو.راو اوتکزیله یاتکن پیتیده ، افغانستانلیکلر نینگ 25% پلیس و یا محلی رسمیلرگه اینگ آزیده بیر مرته رشوه (پاره ) بیریشگن.

شو نینگدیک افغانستانلیکلرنینگ 10-20 % ایسه محکمه حکمی ، سارنواللر یا قاره لاوچیلر گه و یا هم حکومت اعضا لریگه رشوه بیریشگه مجبور بولگن.

شو ننگ دیک یوقاری مرتبه لی سیاستچیلر بیلن رابطه ده بولگن افغانلر نینگ 40% رشوه بیریشی طلب ایتیلگن.

افغانستانلیکلرنینگ 38% بیر مقدار پول بیریب اداره ایشلر نی تیزلشتیریشنی عادی قاعده دیب کوریشه دی . فساد نینگ جوده کینگ ترقلگن لیگیگه قره مسدن شهر اهالیسی ننیگ فقط گینه 9% فساد باره سیده شکایت قیلیشگن.

" خلق ارا تشکیلاتلر هم فساددن خالی ایمس "

Image caption سوراو نتیجه سیدن معلوم بولیشیچه ، افغانستانده قانون حمایه چیلری ، قانونی ننیگ اینگ ییریک بوزوچیلری صفتیده کوریله دی.

خلق ارا همجمیعت و خلق ارا تشکیلاتلر هم عیبلاولر دن خالی بوله آلمه گن.سوراوده قتنشگن لر دن 54% یعنی یریمیدن کوپراقی خلق ارا تشکیلاتلر و نادولت تشکیلاتلر ( ان جی او ) نی فاسد و فقط بدولتراق بولیش اوچون افغانستانگه کیلگن دیب اویله شه دی .

شو نینگ دیک بیرلشگن ملتلر تشکیلاتیگه کوره حاضر ناقانونی مخدر ماده لر سودا سی و خلق ارا یاردم لر آرقه لی ینگی بیر بدولت طبقه اورته گه چیققن. و بو طبقه ، عنعنوی قبیله تشکیلاتلری دن تشقری و ضد شکلیده عمل قیله دی.

بو ایسه مملکت نینگ برچه ساحه لریده اوز تاثیری نی قویگن . عینی دمده ، دولت ارگان لری و عنعنوی قورولتای لر نینگ خلق معما لرینی ایچیشگه قادر بولمه گن لیگی و فاسد ایکن لیگی باعث ، اهالی طالبان دیب دولت مخالف گروه لریگه مراجعت قیله دی. اداری فساد سرطانیگه درمان ایزلش

بیرلشگن ملتلرت شکیلاتی اداری فساد سرطانی نینگ ، هلاکتلی بولیشیدن آلدین حامد کرزی اداره سیدن جدی راق درمان لر نی ایزلشینی ایسته گن.

اوشبو چاره لردن بیریسی ، افغانستان دولتیده موجود بولگن اداری اصلاحات و اداری فساد گه قرشی کورشیش اداره لری نی "مستثقل، قورقوسیز و یخشی امکانات گه ایگه" بیر فسادگه قشی کورشیش اداره سیگه ایئلنتیریش دیر.

شو نینگدیک دولت نینگ عاموی خذمتلر خادم لری، حاکملر و محلی اداره رسمیلری نینگ برچه سی اوز درامد لری و بای لیک لرینی روخطدن اوتکزیب و شبهه لی کورینگن نیرسه لر الیب تشله نیشی کیرک دیب ایئتیلگن بیرلشگن ملتلر حساباتیده.

افغانستانلیکلر نینگ 40% اداری طرز عمل لر نینگ قیزیل چیزیغیدن اوتیش اوچون پاره بیریب اوته دیلر . و حساباتگه کوره رسمی اداره لر نینگ اوزلری پاره آلیش مقصدی اوچون ایشلر نی آرقه گه تشلیدیلر و یا جریان نی مرکبلشتیره دیلر . شو اوچون بیرلشگن ملتلر افغانستانده کی اداره طرز العمل لر نی ساده لشتیریش و ایضاحلی بولیشینی طلب قیلماقده .

مذکور سوراو قتنشگن افغانستانلیکلر نینگ اکثریتی اداری فساد نینگ ممکلتلریده موجود بولگن اینگ ییریک معما دیب ایئتگن. بو ایسه قشاقلیک ، ایشسیز لیک و حتی خوفسیز لیک یا امنیتدن کوره هم کته راق بیر معما ایکن لیگی تاکید لنگن.

شو اوچون حساباتگه کوره افغانستانده کی خوفسیزلیک ، ترقیات و حکومت نینگ فعالیتینی ثمره لی لشتیریش اوچون اداری فساد کسلیگی نی یوقاتیش لازم .

عینی پیتده افغانستانده کی کوپ گینه ولایتلر حاضر مخدر ماده لر دن خالی دیب اعلان ایتیلیشی آرتیده بیرلشگن ملتلر تشکیلاتی هر بیر تومن و ولایتده معما مستقل شکلده حل ایتلیشی نی ائیتماقده.

اوشبو حسابتده ، افغانستان نینگ ینگی حکومتی دن و خلق ارا همجمیعت دن ، اداری فساد گه قرشی کورشیشنی اینگ اساسی ایشلریگه ایئلنتیریش سوره لیب ، کیلگوسی هفته لرده اوتکیزیله جک لندن انجمنیدن ، اوشبو معما نی برطرف قیلیش اوچون بیر فرصت صفتیده فایده له نیشی طلب قیلینگن.