دینلر ایدز گه قرشی کورشماقده

ایدز  ویروسی
Image caption ایدز کسللیگیگه قرشی دینلر نینگ یانداشووی تورلی تومن بولگن

دنیا ده گی کوپلب جمیعتلرده "شرمنده لی" کسللیک حسابلنگن ایدز گه قرشی کورش اوچون دنیا دینلری ایلک باره بیرگه لیکده حرکت قیلیشماقده.

دین پیشوا لرینینگ عینی کسللیککه مناسبتی دایما تنقیدلرگه سبب بولیب کیله دی .

اساساً، نصرانیلیک نینگ کتولیک گروهی ننیگ پیشوا لری "کاندوم" قرشیلر

کاتولیک نصرانیلری ایسه عادتده عالی رتبه روحانی کورستگن یول یوروقلر اساسیده یشه شه دی .

ایریملر نینگ فکریچه ، ایدز گه چلینیش – اخلاقسیزلیک نتیجه سی. بیراق ، باشقه لرگه کوره ، کیم بولیشیدن قطعی نظر کسل انساننی دینلر حمایه لشی ضرور دیب ایئته دیلر

نیگه کی ، بیدوا کسللیککه چلینگن کوپلب انسانلر اوچون دین سونگی امید و تاینچ بولیب خذمت قیلیش احتمالی کتته

بیراق ایدز ویروسینی یوقتیریشدن اسراوچی یوللرنی اوز تبعه لریگه اورگه تیش – اکثر دینلر آلدیده گی قیین مسئله

بیرلشگن ملتلر نینگ ایشانیشیچه ، دینلر نینگ بو ایشده حصه قوشیشلری ایدز گه قرشی کورش ثمره سینی کوچیتیره دی

سونگی ییللر ایچیده بیرلشگن ملتلر تشکیلاتی اوتکزگن تدقیقاتلرگه کوره ، سنت (ختنه) قیلینگن ایرککلرنینگ ایدز ویروسینی یوقتیریش احتمالی قریب 50% کمییه دی .

عینی تدقیقات آلیب باریلگن افریقاده گی حدودلرده حاضر اوغیل بالهلر و ایرککلرنی سنت قیلیش چاره لری هم آلغه قوییلماقده .

بییراق دنیا دینلری نینگ شو پیتگه چه ایئتیب کیله یاتگن اساسی مژده سی - هر انسان زنا و نکاحدن تشقری جنسی رابطه دن تیئیلیشی ضرور

حاضر گی انجمن ایسه دینده بوییریلگن عمللرنی بجرمه گن آدملرنی فقط قاره له مسدن ، اولرگه مهر-شفقت کورسه تیش بابیده دینلرنی هم جلب ایتیشدیر.