هسته وی بتم باره سیده نارسمی کیلشو

اوباما و میدویدوف
Image caption بو قدم واشینگتن و مسکو اورته سیده گی علاقه لرنی قیته جانلنتریش یولیده قیلنگن .مهم قدم بوله دی

کرملین ده گی منبع نینگ بی بی سی گه بیلدریشچه ، روسیه و امریکا قوشمه ایالاتی هسته وی قوراللر باره سیده گی ینگی کیلشوخصوصیده نارسمی طرزده کیلیب آلگنلر.

اواوتگن ییل دسیمبرده مدتتی توگه گن "استارت"، یعنی استراتیژیک قوراللرنی کمی تریش بتمی اورنینی ایگللیدی.

رسمی کیلشو کیلگو سی آی چک پایتختیده امضا لنیشی کوتیله دی.اسمنی آشکار قیلیشنی استه مهگن ملازم نینگ بی بی سی مخبری ریچارد گالپینگه ایتیشچه، بعضی نقطه لر باره سیده یکونی قرارگاه هلی کیلنمهگن بولسه دی، دیبرلی بیر ییل دوام ایتگن مذاکره لردن کیین نارسمی طرزده کیلیشب آلینگن.

بیراق دیدی او، روسیه جمهور رئیسی دیمتری میدویدوف و همکسببی باراک اوباما کیلگوسی بیر نیچه کون دوامیده ینه تیلفون آرقه لی ملاقات قیلیش لری ریجه لنگن.

عینا شو ملافات آرتیدن کیلشوگه امضا چیکش مراسمی نینگ جایی و وقتی رسما اعلان قیلنه دی.بو واشینگتن و مسکو اورته سیده گی علاقه لرنی قیته جانلنتریش یولیده قیلنگن مهم قدم بوله دی.

ینگی بتم تطبیق قیلنسه ، ایککی مملکت هم اوزیده گی هسته وی قالاقلر سانینی کمیده بیر چاره ککه ، یعنی 1700 یا کی اوندن هم کمراق قیسقرتیره دی.

اولر، شونینگ دیک ،راکت آتوچی قوراللر سانینی هم قسقرتیریشی کوتله دی .

روسیه و امریکا اورته سیده گی علاقه لر آخرگی ییللرده تنگ حالتده بولیب کیله یاتگندی.بونگه روسیه نینگ مرکزی و شرقی اروپا ده عکسل راکت تزیمنی اورنه تیشنی کوزله گن امریکا ریجه لریگه قرشیلیگی قسما سبب بولگن.