امریکاوچین ایران اتمی دستورینی محاکمه قیلگن

امریکا و چین رهبرلری
Image caption باراک اوباما چین لیک همکسبی بیلن بیرساعت تیلفون آرقه لی ایران اتمی برنامه سینی محاکمه قیلشگن.

آق اوی نینگ معلوم قیلیشچه ،جمهور رئیس باراک اوباما چین لیک همکسبی بیلن ایران نینگ اتمی دستوری مساله سینی محاکمه ایتیشگن.

امریکا لیک ملازم لر شو هفته باش لریده رسمی پکین ایرانگه ینگی جزا چاره لری کیرتیش مساله سیده جدی مذاکره لرنی باشلشگه راضی ایکنلیکلرینی معلوم قیلگن.

اتمی دستوریوزه سیدن غرب و ایران آره سیده ضدیت کوچیب بارماقده.بونینگ نمه بیلن توگشده چین نینگ اورنی کتته.

شو سبب دن هم ، دیپلماتیک سعی حرکت لرگه زور بیرلماقده.

جاری هفته باشلریده جمهوررئیس باراک اوباما بیرلشگن مللتلر ایرانگه کیله سی بیر نیچه هفته ایچیده ینگی چیکلاو لر کیرتیش لازم لیگنی ایتگندی.

ایندی ایسه ، جناب اوباما چین لیک همکسبی بیلن شو خصوصیده بیر ساعت تیلفون آرقه لی سوزلشگن.

چین ،امریکا قوشمه ایالاتی کوندریشی قالگن بیرلشگن مللت لر خوف سیزلیک کینگاشیده ویتو قویش حقوقیگه ایگه بولگن سونگی دولت دیر .

امریکالیک ملازم لرنینگ ایتیشلریچه، چین ایرانگه قرشی کیسکین جزا چاره لرینی کیرتیش مساله سینی محاکمه قیلیشگه حاضر ایکنیگه اشاره قیلگن.

ایران وکیلی چینده

عینی پللهده بونینگ آلدینی آلیش اوچون ایران لیک اتمی مساله لر بویچه باش مذاکره چی سید جلیلی پکین گه سفر قیلگن.

او چین لیک یوقاری مرتبه لی ملازم لر بیلن مذاکره لر آلیب بارماقده.

چین تشقی ایشلر وزیری بیلن مذاکره لر آرتیدن جناب جلیلی مساله نینگ هنوز دیپلماتیک یوللر بیلن ایچلیشگه امید قیله یاتگنینی ایتدی.

بیراق چین کمیده ایران مساله سیده اوز موقعینی اوزگرتیریشگه حاضرلیک کورسته یاتگندیک.

شوسبب هم ، سید جلیلی نینگ پکین سفری ایران نینگ ینگی جزا چاره لرنینگ آلدینی آلیش یولیده گی سونگی حرکتی بولیشی ممکن.