جاپان لیک خبرنگارقندوزدن آلیب قاچیلگن

قندوز
Image caption افغانستان شمالیده گی قندوز ولایتی طالبان نینگ اساسی مرکز لریدن بیری حساب لنه دی.

جاپان حکومتیگه کوره ، افغانستانده بی درک کیتگن ژورنالیستی آلیب قاچیلگن.

مطبوعات خبرلریده ایتلیشچه " کوسوکی تسونیوکا"افغانستان شمالیده گی طالبان نظارتی آستیده بولگن منطقه گه کیته یاتگن پیتیده ایز سیز یوقالگن.

حکومت ملازمی بوندن آرتیق تفصیلات لرگه توخته لمهگن.

خبرلرگه کوره جاپان لیک مخبر افغانستان شمالیده گی قندوز ولایتیگه سفر قیلگن ایکن .40 یاشیده بولگن مسلمان کوسوکی تسونیوکا طالبان و عصیانکارلیک خصوصیده گی خبرلرینی یاریتیش اوچون میلادی مارچ آییدن بویان افغانستانده بولگن.

جاپان حکومتی کاتبی هیروفومی هیرانو ، مخبر نینگ آلیب قاچیلگنی دن آگاه ایکن لیکلرینی معلوم قیلیب،کوپراق معلومات بیرش دن باش تارتگن.

قندوز ولایتی افغانستان شمالیده گی طالبان نینگ مرکزی اولراق حساب لنه دی . عینی ولایت سونگی وقتلرده طالبان ،ناتو و افغان کوچلری آره سیده بولیب اوتگن جنگ لرگه هم گواه بولیب کیلگن.