تاشکند ده خوف سیزلیک چاره لری کوچیترلگن

تاشکند
Image caption مسکو ده گی پارتلش لر آرتیدن خوف سیزلیک چاره تدبیرلری تاشکند ده کوچیتیرلگن.

"اوزبیکستان انسان حقلری حمایه چی لری تشبوسی گروهی"خبریگه کوره، مسکو میترو سیده گی پارتلشلر آرتیدن تاشکند شهریده خوف سیزلیک چاره لری کوچیترلگن.

"حقوق ترتیبات اداره لری خادم لری دیندارلر ورومال اوره گن عیاللرنینگ منزللریگه باریب ، تنتاولر اوتکزشماقده و اولرنی سوراق قیلشیبتی،" دیدی گروه رهبری صورت اکراموف بی بی سی بیلن صحبتده.

حقوق حمایه چی سی نینگ علاوه قیلیشچه:"بونی تیکشرولر شهر نینگ برچه تامانلریده کوزه تیلگن."

صورت اکراموف شهربویچه حبسگه آلیش لر هم یوز بیرگنینی ، اما بو حقده انیق معلوماتگه ایگه ایمسلیگنی ایتدی.

اونینگ حقوق ترتیبات اداره لری خادم لریگه اقتباسا معلوم قیلیشچه ، خوف سیزلیک چاره لرینی کوچیتریشدن مقصد تاشکند شهریده " ترورچیلیک عمللری" نی برطرف ایتیش دیر.

حقوق حمایه چی سی شونینگ دیک شهر نینگ اهالی گوچوم جایلریده ، اینقسه میتروگه کیریش و بیکتلرده خوف سیزلیک خادم لری " شبهه لی کورینگن و حجاب اوره گن عیاللرنی" علحیده تیکشرو دن اوتکزیشه یاتگینی ایتدی.