سیلاولر کمیسیون ریسی استعفاگه چیقدی

مستقل سیلاو لر کمیسیون نینگ باشلیغی عزیزالله لودین و اوشبو کمسیون دارلانشا ریسی داود علی نجفی استعفاگه چیققن.

افغانستان ریاست جمهوررلیک سرای نینگ سوزچیسی وحید عمر، عزیز الله لودین و داود علی نجفی نینگ استعفالری، کرزی تمانیدن قبول ایتیلگنینی معلوم قیلدی.

اونگه کوره مستقل سیلاولر کمیسیون باشلیغی عزیزالله لودین، ایش مدتی توگه گنی اوچون استعفاگه چیقیش تکیلفینی ایلگری سورگن.

عینی حالده اونی معلوم قیلیشچه مستقل سیلاولر کمیسیون نینگ دارالانشا ریسی داود علی نجفی هم اوز طلبی بیلن استعفاگه چیققن.

اما افغانستان جمهورریسی حامدکرزی بوندن آلدین بولگن صحبتلریده افغانستان مستقل سیلاولر کمیسیونیده اصلاحات کیتریش طلبی نینگ خارجیلر تمانیدن نیچه بار تکلیف ایتیلگنینی ایتگن ایدی.

عینی حالده کرزی جنابلری خارجیلر تمانیدن ایلگری سوریلگن اصلاحات دن اساسی مقصد افغانستان مستقل سیلاولر کمیسیون باشلیغی عزیزالله لودین واوشبو کمسیون دارالانشا ریسی داوود علی نجفی نینگ اوز وظیفه لریدن چیتلنتریش دیه اورغوله گن ایدی.

شونینگ دیک کرزی جنابلری خارجیلر باسیمی کوپیگن حالده کمیسیون نینگ یوقاری خادملریدن بولگن بو ایککی کیشینی اوز ظیفه لریدن چیتلنتریلیشی ممکن لگینی ایتیب، پارلمانی سیلاونینگ بولیب اوتیشینی تاکیدله گن ایدی.

مستقل سیلاولر کمیسیون رهبرلیگی اوشبو کمیسیون باشلیغی قوشیمچه یتی کیشی اعضادن عبارت بولیب افغانستان جمهورریسی حامدکرزی نینگ بویوروغی اساسیده تعیین ایتیله دی.

بولیب اوتگن ریاست جمهوررلیک سیلاوده کینگ کولمده قلاب کارلیک یوزبیرگنی اساسا مستقل سیلاولرکمیسیون رهبرلیگیده بولگن کیشیلرگه قرشی لیک لر کوپه یدی.

خودی شومعما باعث ایریم ملت وکیللری قوشیمچه ریاست جمهوررلیک سیلاوده کرز نینگ اساسی رقیبی سلنمیش داکتر عبدالله عبدالله کمیسیون رهبرلیگیده بولگن کیشلرنی کرزی دن طرفدارلیک کورستگنینگه عیبلب یوزبیرگن قلاب کارلیک لرگه اولرنینگ قوللری بولگنینی ادعا قیلگن ایدی.

شوندی تنقیدلر بیلن چققن کیشیلر پارلمانی سیلاو نینگ شفاف بیر شکلده بولیب اوتیشی اوچون مستقل سیلاولرکمیسیونیده کینگ کولمده اوزگریش کیلیشینی تاکیدلب کیلگنلر.