اون ایککی عصیانچی کابل شهریدن توتیلگن

سعید انصاری

افغانستان ملی امنیت ریاستی حبسگه آلینگن کیشلرنی کابل شهریده یوزبیریب کیلگن قطار ناقرارلیک لرده قولی بارلیگینی معلوم قیلدی.

ملی امنیت ریاستی نینگ سوزچیسی سعید انصاری اوشبو عصیانچیلرنینگ اوتگن ایککی هفته جریانیده کابل شهر نینگ تولی حدودلریدن پولیس واهالی همکارلیگی بیلن توتیلگنینی تاکیدله دی.

اونگه کوره اوشبو عصیانچیلر یول چیککه سیده مین اورنه تیش کبی بیرقطار ناقرارلیک لرگه قولی بولگن.

انصاری جنابلری ریاست جمهوررلسک سرای سرینا هوتل، همده کابل شهریده کی ناتوکوچلری نینگ مرکزی خودی شو عصیانچیلر تمانیدن نشانگه توتیلگنینی اورغوله دی.

شونگه قوشیمچه 1387 هجری شمی ییل ثور ای نینگ سکیزنچی کونی مناسبتی بیلن یولگه قویلگن مراسم نینگ نشانگه توتیلیشی گه هم ، توتیلگن عصیانچیلرنینگ قولی بارلیگینی ایتدی.

ملی امنیت خادملری ایسه اوچ ایری گروپلرگه فعالیت آلیب باره یاتگن اون ایککی عصیانچینی افغانستان اسلامی حزب وطالبلر قوراللی لری بیلن علاقه دار ایکنینی ایتماقده.

ملی امنیت ریاستی نینگ سوزچیسی سعید انصاری عصیانچیلیک فعالیت لریگه عیبدار تانلیب حبسگه آلینگن کیشلرنینگ اکثریتینی پاکستان ده در س کوریب ، همده تروریست لیک فعالیت لرینی بجریش اوچون تورلی خیل تیارگرلیک لردن اوتگنینی قیدایتدی.

انصاری جنابلریگه کوره حبسگه الینگن شخصلرنینگ همه سی افغانستان لیک بولیب، اولردن ایکته سی ایسه کابل شهریده کی خصوصی عالی اوقویورت لردن بیریگه طلبه صفتیده درس کوریب کیلرایکن.

عینی حالده رسمیلر، حبسگه الینگن شخصلر یانیدن بیرقنچه پارتلاوچی ماده قولگه کیرتیلگنینی قیدایتدی.

افغانستان ملی امنیت ریاستی سونگی پیتلرده یولگه قویلگن خوف سیزلیک چاره تدبیرلرعینی حالده اهالی همکارلیگی اوشبو اون ایککی عصیانچینی حبسگه آلینشگه اساسی رولی بارلیگینی تاکیدلیدی.