اوغیرلنگن بیرلشگن ملتلر خادملرینی قوتقریش اوچون حرکتلر

بیرلشگن ملتلر
Image caption بیرلشگن ملتلر نینگ کابلدهکی سوزچیسی یوقالگن خادملری ننیگ کیملیگی باره سیده معلومات بیریشدن باش تارتگن

افغانستان خوفسیزلیک رسمیلری ننیگ ایئتیشیچه ، ممکلت شمالیده اوغیرلنگن بیش نفر بیرلشگن ملتلر خادم لری نینگ قه ییرده سقله نه یاتکن لیگنی انیقلشتیرگن لر و اولرنی قوییب یوباریش اوچون سعی حرکتلر دوام ایتماقده .

افغانستان خوفسیز لیک مسئوللری ننیگ بیلدیریشیچه بیرلشگن مللتلر تشکیلاتی نینگ بیش نفر محلی خادملری کون کیچه افغانستان شمالیده کی بغلان ولایتیده نامعلوم قوراللیلر تمانیدن اوغیرلنگن .

کابلده کی بیرلشگن ملتلر وکالتخانه سی اوشبو خبر نی تصدیقلب ، خادملرینی تاپیش اوچون تیکشیرو ایشلری باشلنگن لیگنی معلوم قیلگن. معلوماتلرگه کوره بیرلشگن مللتلر تشکیلاتی نینگ محلی خادم لری کیچه کیچقورون افغانستان شمالیده گی پلخمری شهری یقینیده اوغیرلنگن.

کابل ده گی بیرلشگن مللتلر تشکیلاتی سوزچیلریدن دان مک نورتن ، روی بیرگن واقعه نی تصدیق لب ، اوزخادملری نینگ قندی قیلیب یوقالگنی حقیده کوپراق معلومات بیرشدن باش تارتگن.

"حاضرده بوخصوصده کوپگینه معلوماتگه ایگه ایمس میز.ایتیب کیلگن خبرلرگه کوره بو خادملر افغانستان شمال شرقی حدود لریدن کونی کیچه بیدرک یوقالگن .بیرلشگن مللتلرتشکیلاتی، خادملری نینگ قندی یوقالگنی، و قییرده ایکن لیکلری باره سیده، حاضرده افغان رسمیلری بیلن یقیندن ایشلماقده میز .تیکشرو و ایشلری هم باشلنگن. یوقالیب کیتگن شخصلر نینگ برچه سی افغان بولگن،"دیب ایتگن بیرلشگن مللت تشکیلاتی سوزچی سی دان مک نورتن.

بیرلشگن مللتلر تشکیلاتی،اوزخادملری نینگ بیدرک یوقالیب کیتگنینی ا ئیر ایکن،محلی ده گی افغان رسمیلری،اشبوتشکیلاتی نینگ تورت کیشی محلی خادمی ، نامعلوم قورالی شخصلر تامانیدن اوغیرلنگنینی معلوم قیلگن.

افغانستان شمالی حدود لریده گی پلیس کوچلری سوزچی سی لعل محمد احمدزی گه کوره اشبو شخصلر بغلان ولایتی نینگ باغ شمال منطقه سی گه باره یاتکنده اوغیرلنگنلر .

"بیرلشگن مللتلر تشکیلاتی نینگ ایککی موتری و تورت خادمی، چشمه شیر و پلخمری شهری آره سیده گی باغ شمال منطقه سیدن نامعلوم قوراللی لر تامانیدن اوغیرلنگن. پلیس کوچلری اوغیرلنگن خادم لرنی تاپیش اوچون قیدرو عملیاتلرنی یولگه قویشگن.بیز اوغیرلنگن شخص لر جاینی اقشامگچه انیق لب اولرنینگ قویب یوباریشگه حرکت قیله میز ،"دیب ایتگن پلیس سوزچی سی لعل محمد احمدزی

محلی پلیس ملازملری بیرلشگن مللت لر تشکیلاتی خادم لری محلده طالبان نامی آستیده فعالیت قیله یاتگن قورالی لر تامانیدن اوغیرلنگن بولیشی ممکن لیگنی هم ایتشماقده.

اما حاضرگچه هیچ کیم بیرلشگن مللتلر تشکیلاتی خادم لری نینگ یوقالگنی بویچه مسولیت نی اوز ذ مه سیگه آلیش مه گن.

بیرلشگن مللتلر تشکیلاتی نینگ کابل ده گی ملازم لری گه کوره یوقالگن خادملر بیرلشگن مللتلر تشکیلاتی نینگ قیته قوریش ریجه لرینی عملگه آشیره یاتگن UNOPS بولیمی ملازملری بولگن.

بغلان ولایتی ، مملکت شمالیده گی ناتینچ حدود لریدن حساب له نیب عینی حدود لر ، طالبان و حزب اسلامی اعضا لری نینگ بیرقنچه هجوم لریگه گواه بولگن.

یقینده منطقه ده گی طالبان عصیانکارلرینی بغلان ولایتیدن هیدش اوچون ، ییرک حربی عملیات هم یولگه قوییلگن.