تنقلی تیاترسیماسی انیسه وهاب دنیا دن کوزیومدی

انیسه وهاب
Image caption انیسه وهاب عمرینینگ کوپ قسمینی تیاترگه بخشیله گن عیال لردن بیری ایدی.

افغانستان تیاتر نینگ اولوغ و تنقلی سیما لریدن بیری انیسه وهاب کیچه 18 اپریل کونی کسلیگی سببلی دنیا دن کوزیومدی.

انیسه وهاب نینگ عایله اعضالریدن بیری،او بیر آی بویان سرطان کسل لیگیگه چلینگن و کسلخانه ده یاتگنینی خبر بیره دی .

انیسه وهاب عمرینینگ کوپ قسمینی تیاترگه بخشیله گن عیال لردن بیری ایدی.

انیسه وهاب 1336 ییل افغانستان نینگ کابل شهریده توغیلیب، 7 یاشلیگیدن اوز هنرینی باله لر صحنه کورینیش لری بیلن افغانستان نینگ دولتی رادیو ایشتریشلری آرقلی باشله گنَ.

او 8 یاشلیگیده عاطفه ناملی صحنه نمایشیده ایشلب اوشه ییل نینگ بیرینچی مکافاتیگه سزاوار بولگن.

انیسه وهاب فقط گینه تیاتر ساحه سیده ایش یوروتیب کیلمگن بلکه کوپلب فلم لرده و حتی تلویزیون و رادیو ایشتریش لر آرقه لی نشر بولگن نمایشنامه لرده رول اوینب کیلگن.

انیسه وهاب بیر قنچه سفرلرده بولیب، کوپلب فخری یارلیق لر مدال لر قولگه کیریتگن. اوزبیکستان دولتی تیاتر ساحسیده گی بو عیالگه فوق العاده دیپلوم بیرگن.

انیسه وهاب تاجکستان و پاکستان دولت لریده هم بولیب او ییر لرده هم بیر قنچه نمایشنامه لر کورستیب فخری یارلیق لرگه ایگه بولگن.

انیسه وهاب بیر نیچه ییل آلدین بی بی سی دری خذمتی رادیو ایشتریشلریده بولگن صحبتیده،" مین حتی طالبلردوریده هم اوز ایشمنی توخته تگنیم یوق.بلکی پاکستانده اوزفعالیتلریمنی دوام ایترگنمن.لیکن پاکستانده بولیب فعالیت یورته یاتگنلیگیمدن هیچ کیم آگاه ایمس ایدی ."

او اینگ یخشی تمثیلچی عنوانی ، صداقت مدالی و بیر قنچه فخری یارلیق لرنی افغانستان نینگ فرهنگی و هنری تشکیلات لریدن قولگه کیریتگن عیال لردن بیری دیر.

انیسه وهاب 8 ییل دوامیده بی بی سی نینگ تعلیمی و دم آلیش دستور لریده قتنشگن و آخرگی پیتلر ده افغانستان نینگ رادیو و تلویزیون صحنه نمایشلریده ایشلب کیله یاتگن ایدی.

انیسه وهاب کیچه تونده بیر آیلیک کسل لیکدن سونگ بو دنیانی ترک ایتدی.