"طالبان مرکب قوراللردن فایده لنماقده"

طالبان
Image caption هوا نینگ ایسیق بولیشی بیلن تروریستیک هجوملر سونگی هفته لرده کوپیگن

افغانستان ایچکی ایشلروزیرلیگی طالبان عصیانچیلرنی افغان کو چلریگه قرشی مرکب قورال اسلحه دن فایده لنه یاتگنینی معلوم قیلدی.

ایچکی ایشلر وزیرلیگی پلیس کوچلرینی هم یقین آره ده زمانه وی قورال اسلحه بیلن جهازلنتریلیشینی ریجه لشتیرگنینی ایتدی.

افغانستان ایچکی ایشلروزیرلیگی سوزچی سی زمری بشری گه کوره، کوزگه آلینگن ریجه اساسیده بیرینچی اولهراق چیگره حدوده گی پلیس کوچلری ینگی قورال اسلحه بیلن تامین لنه دی.عینی دمده ایچکی ایشلروزیرلیگی پلیس کوچلری تلفاتینی آلدینکی هفته لربیلن تقاسله گنده قرق فایز و عادی اهالی تلفاتینی 19 فایز آشگنینی ایتگن.

ایچکی ایشلر وزیرلیگی اوتگن هفته جریانیده افغانستان بویلب یوزبیرگن قطارتورلی هجوملرده جمعی 20 پلیس هلاک و39 پلیسنی یاره لنگنینی ایتیشگن.

شونگه قوشیمچه مملکت بویلب روی بیرگن زوروانلیکلرده عادی اهالی دن هم 36 کیشی قربان بولیب یوزدن ارتیق شخص یاره لنگن .

"هوا نینگ ایسیق بولیشی بیلن تروریستیک هجوملر سونگی هفته لرده کوپیگن.افغانستان نینگ تورلی حدودلریده اوتگن بیرهفته مابینیده 150هجوم روی بیرگن.جمله دن 50 کیشی عصیانکار قولگه آلنیب، 130ماینلر ضررسیزلنتیرلگن"دیب ایتدی ایچکی ایشلر سوزچی سی زمری بشری.

بوندن آلدین هم افغانستان رسمیلری هوا اسیق بولیشی بیلن ناقرارلیک لرنی کوپیشنی ایتیب،اینگ قانلی ییل بولیشینی آگاه لنتیرگندی.

ایسق موسومی پیتیده ،عصیانکار لرهجومی آلدینی آلیش اوچون افغان و خارجی کوچلر طالبان عصیانکار لریگه قرشی مملکت نینگ تورلی حدود لریده حربی عملیات لرینی باشلتگن.

اما شوندی بولسه هم عصانیچلر نسبتان تینچ بولگن حدودلرده کوپراق عملیاتنی اویشتریب ، انده سنده پلیس کوچلرینی نشانگه آلیب کیلماقده.