امیرعلیشیرنوایی هیکللیگه زیان ایتکزلدی

نوایی
Image caption شهرده ینگی برپا ایتلگن میر علیشیر نوایی هیکل لیگه نامعلوم کیشی لر تامانیدن ضررایتکزلگن

افغانستان شمالیده گی مزارشریف شهریده ینگی برپا ایتلگن میر علیشیر نوایی هیکل لیگه نامعلوم کیشی لر تامانیدن ضررایتکزلگن.

بو عملگه قول اورگنلیگی یا کیم بویوروق بیرگنلیگی معلوم ایمس اما بلخ رسمی لری بوندی عملگه قول اورگن کیشیلرنی تاپیشلرینی وعده بیرگن.

نوایی هیگل لیگه ضرریتگزلگن لیگی نی کورگن کوپلب مزار شریف اهالی سی بو ایش فرهنگ دشمنلری تمانیدن عملگه آشرلگن لیگی نی اورغولشردی.

اهالیگه کوره پولیس کوچلری دواملی موجود بولیب کیلگن و شهر نینگ قاق مرکزیده گی جاده لر نینگ بیریده بوندی عکس الفرهنگ عمل نی یوز بیریشی قبول ایتلر حالت ایمس. اولرگه کوره افغانستان حکومتی بوندی انسانلرنی باشقه فرهنگی ساحه لرگه ضرر بیرمس لیک لری اوچون تاپیب جزاگه تارتیشی کیرک.

بلخ ولایتی رسمیلری هم ییرته لب ،نوایی جاده سیگه کیلب یوز بیرگن اوشبو حالت دن افسوسده ایکن لیک لرینی اورغولشدی.

قبول قیلیب بولمیدگن عمل

بلخ ولایتی نینگ فرهنگ و یاشلر ریاستی نینگ باشلیغی صالح محمدخلیق جنابلریگه کوره او بو مسله نی بلخ ولایتی خوف سیزلیک مسوللری بیلن اورته گه قویب ، بو عمل گه قول اورگن شخص لرنی تاپیش اوچون سعی و حرکت باشله تیلگن.

Image caption نوایی نامیگه قویلگن تورت یولده یقنده اوزبیک فرهنگیلری تثشبثی بیلن نوایی نینگ مرمر تاشدن ایشلنگن هیکلی قوریلگن

"مین بلخ ولایتی نینگ فرهنگی مسوللی صفیتیده بو عمل نی قاره لی من، بو فقط گینه نادان و فرهنگگه قرشی انسان لر تمانیدن یولگه قویلگن.نوایی بیر خلق و ملت گه محدود ایمس بیز افغانستان لیک لر نوایی گه چوقور حرمت قیله میز. ،بوندی بیر ایش نی یوز بیریشی در حقیقت بیزنی هم خفه قیلیب قویدی، مین بو خصوصده بلخ خوف سیزلیک کوچلری بیلن صحبت لشتیم، اولر هم بوندی فرهنگی فعالیت لرگه بوندن کیین ضرر بیرلمس لیگی گیرک لیگی و همده منه شو ایشگه قول اورگن شخص لرنی هم قولگه الیب جزا گه تارتیش لرینی وعده بیرشدی دیدی." بلخ ولایتی نینگ مدنیت ریاستی باشلیغی صالح محمد خلیق"

مزار شریف شهریده نوایی نامیگه قویلگن تورت یول یا چار راهه ده یقنده ایرم اوزبیک فرهنگیلری تثشبثی بیلن نوایی نینگ مرمر تاشدن ایشلنگن یرم هیکلی قوریلگن ایدی. اون مینگلب چه دالر صرف لنگن اوشبو هیکل قریب بیر ای لیک زحمت لردن کیین منه شو کونلرده ایشی نهایه تاگن ایدی.

اوشبو هیکل نینگ بلند قسمید،مسلمانلر خلیفه سی حضرت علی گه منسوب، روضه نینگ کورنیشی هک ایتللگن و یان اطرافیده ایسه روضه شریفه تاریخ چه سی، اوزبیک فارس ، پشتو و انگلیس تیلریده یازیلگن. طاق ننیگ ارقه قسمیده ایسه نوایی ایجادیاتدن ایرم نمونه لر ونوایی نینگ قسقه حیات تاریخ چه سی یازیلگن.