قندوزده قیز طلبه لری زهرلنگن

افغانستان نینگ شمال شرقیده کی قندوز شهریده جایلشگن بی بی خدیچه کبرا ناملی قیز مکتبلریدن بیریده 50 گه یقین قیز طلبه لری زهرلنگن.

زهرلنیش واقعه سی ایسه دم آلیش زنگی چلینیشی بیلن قیزلرمکتب صحنی گه اوینش اوچون چققن ، بیر پیتده یوز بیرگن.

اوشبو واقعه ایسه قندوز اهالی سی نی قتتیق خواطرگه سالگن.

واقعه نی کوزلری بیلن کورگن اوشبو مکتب اوقوچی و اقوتوچی لری نینگ ایتیشیچه بو واقعه مکتب ایشیگی یقیدیده جایلشگن صنف لردن بیریده روی بیریب کینچه لیک ایسه باشقه لرگه یوقگن.

افغانستان عامه ساغلیک وزیرلیگی نینگ سوزچیسی داکتر غلام سخی نور اوغلی حادثه یوزه سیدن تیکشرو ایشلر باشله تیلگنینی اورغوله ب اما زهرنینگ قندی بیرماده ایکنی ، حاضرگه چه انیق لنمه گنینی معلوم قیلدی .

زهره لنیب کسل خانه ده انتقال بیریلگن مکتب اوقوچیلرنینگ اولیالری، امنیت یمانلیگی اوشبو واقعه نی یوز بیریشگه عامل دیب کورستگن.

هرچند محلی رسمیلر ایسه زهرلنگن مکتب اوقوچی قیزلر سانی ییلیک کیشی دیشه دی اما حادثه نی یقین دن کوزه تگن کیشلر ایتلگن رقمدن ارتیق قیزلر نینگ زهرلنگنینی ادعاقیله دی.

بوندن بیرهفته الدین هم قندوز ولایتی نینگ بی بی فاطمه ازهرا ناملی مکتبیده خودی شوندی حادثه یوزبیریب بیرنیچه قیز زهرلنگن ایدی.

افغانستان ریاست جمهوررلیک سرای سوزچیسی وحید عمر بوکونگی اوتکزگن مطبوعات انجمنیده حادثه نی افغانستان دشمنلریگه نسبت بیریب قیتغ قاره لب چقدی .

عینی حالده محلی رسمیلر هم حادثه نی افغانستان دشمنلریگه نسبت بیرگن، اما حادثه نی بیران بیر گروه یا شخص حاضرگه چه اوز ضیمه سیگه آلمه گن.