فسادگه عیبدار دولت خادملریدن بیری محکمه گه تارتیلدی

Image caption محکمه قریب اوچ ساعت دوام تارتیب هیچ قندی نتیجه گه ایرشمه دی

بوندن آلدین غیر قانونی خارجگه پول انتقال بیریش و پاره الیش عیبی بیلن قماققه آلینگن افغانستان حج اوقاف وزیرلیگی نینگ خزانه چیسی آچیق بیرشکلده محکمه بولدی.

ساد گه عیبلنیب تیرگاوده الینگن دولت خادملری نینگ اچیق بیرشکلده محکمه بولینشی برینچی مرته کوزه تیلماقده

اداری فسادگه قرشی کوره شیش استراتیژی سی نینگ مخصوص محکمه مسوللرینی ایتیشچه جج اوقاف وزیرلیگی نینگ خزانه چیسی اوچ یوزو 62000 دالرنی سعودی عربستان انتقال بیره یاتگن بیرپیت کابل هوا قونالغاسیدن اوشلنگن.

قاره لاوچی مسوللری اوشبو مبلغ نینگ دولت گه عایید دیب غیر قانونی پول نینگ خارج مملکتلرده انتقال بیریش قانونگه قرشی بیرعمل دیب اورغوله دیلر.

دعوا ایلگری سورگن قاره لاوچی لردن بیری دعوا صورتینی اوقیب، حاج لرنینگ سعودی عربستانگه انتقال بیرگن خصوصی شرکت لردن حج اوقاف وزیرلیگی نینگ خزانه چیسینی پاره الیش اوچون واسطه چیلیک قیلگنیگه عیلب چیقدی.

خزانه چی اقراریگه اساس لنیب یازیلگن دعوا صورتیده، حج اوقاف وزیرلیگی نینگ آلدینکی وقتینچه لیک وزیری صدیق چکری نینگ بعضی بیرشرکتلردن پاره الگنی هم تاکیدلنگن.

شونگه علاوه دعوا صورتیده بیرقنچه پاره الیش عیبلاولری خزانه دارگه قویلیب اکثر عیبلاولرگه بیرشکلده چکری نینگ علاقه سی بارلیگی کورسه تیلگن.

بوندن آلدین هم چکری چنابلری حاج لرنینگ سعود عربستانگه انتقال بیریش اوچون پاره الگنیگه عیبلنگن ایدی اما او، شوندی عیبلاولرنی رد ایتگن ایدی .

حج اوقاف وزیرلیگی نینگ خزانه چیسی خصوصی شرکتلر وکیللری و چکری جنابلری نینگ محکمه ده حضور تاپمه گنینی قتیغ قاره له دی، شوسبب هم محکمه باشله نیشی بیراز کیچیکیکتریلدی.

خزانه چی نینگ وکیل مدافع سی هم اعتراض بیلدریب محکمه نی ترک ایتدی، اما شوندی بولسه هم خزانه چی اوز دلیللرینی محکمه جریانیده ایلگری سوریب پول نینگ صدیق چکری بویوروغی بیلن انتقال بیریشگه مجبور بولگنینی ایتدی.

شونینگ دیک دعواه صورتیده اونی، اقراری دیب کیلتریلگن برچه عیبلاولرنی رد ایتیب چیقدی.

اوشبو محکمه اینگ از اوچ ساعت دوام تارتیب هیچ قندی نتیجه گه ایرشمه دی، قاره لاوچی مسوللری ایسه کیله جک هفته دوشنبه کونی محکمه نینگ ینه یولگه قویلشینی معلوم قیلدی.

اداری فسادگه قرشی کوره شیش استراتیژی سینی نظارت قلوچی اداره سی نینگ مخصوص محکمه مسوللری پاره بیرگن خصوصی شرکت لرنی انیق لش اوچون هم تیکشرو ایشلر آلیب باریله یاتگنینی تاکیدله دی .