قندوزده ایککی اربکی عسکراولدیرلدی

Image caption قندوز ولایتی پولیسگ کوره یوز بیرگن آتشمه لرده طالب لر تمانی هم تلفات کورگن اما اولردن نیچه کیشی قربان بولگن لیگی انیق ایمس.

افغانستان شمال شرقیده گی قندوزولایتده طالب لرنی ،بیراربکی قوماندانگه هجوم اویشتریش لری نتیجه سیده ایککی کییشی اربکی لردن هلاک بولیشگن و بیرکیشی قومانداننی ایسه یره لنگن.

قندوز ولایتی پولیسگ کوره یوز بیرگن آتشمه لرده طالب لر تمانی هم تلفات کورگن اما اولردن نیچه کیشی قربان بولگن لیگی انیق ایمس.

قندوز ولایتی والی سی نینگ سوزچی سی محبوب الله سعیدی گه کوره، اوشبوحادثه قندوز شهری یقنیده یوز بیرگن.

محمد اسحق نظامی نامی بیلن مشهوراربکی قوماندان قندوز ولایتی نینگ تلوکه منطقه سیدن اوته یاتگان پیتی قوراللی عصیانچیلر پسترمه سیگه دوچ کیلگن.عصیانچیلر واربکی قوماندان آره سیده یوز بیرگن بیرنیچه ساعت لیک آتشمه لرده ایسه ، اربکی قوماندان نینگ اوزی یره لنگن و ایککی کیشی قوریقچی سی ایسه هلاک بولیشگن.

قندزو والی سی نینگ سوزچی سی محبوب الله سعیدینی ایتشچه، آتشمه لر جریانیده عصیانچیلردن هم بیرنیچه شخص هلاک بولیشگن.

قندوز ولایتی نینگ پولیسگه کوره ،اربکی قوماندانی قوتقزیش اوچون منطقه گه آرتیقچه خوف سیزلیک کوچلری یولنترلگندن کین ،عصیانچی طالب لر منطقه نی ترک ایتب چیقیشگه مجبور بولیشگن.

قندوز ولایتی نینگ خوف سیزلیک مسوللریگه کوره، آتشمه لر یوز بیرگن منطقه حاضر پولیس نظارتیده بولیب، یره لنگن شخص لر دوالنیش اوچون قندوز مرکزی کسل خانه سیگه آلیب کیلنگن.

مطبوعات گه اوزینی طالب لر سوزچی سی دیب تانیشتره یاتگان ذبیح الله مجاهد ، اربکی لرگه قرشی اویشترلگن پسترمه نی اوز بوینیگه آلیب اونده کمیده یتی کیشی اربکی لرنی اولدرلگن لیگیینی ادعا ایتماقته.

اربکی یا اوز منطقه لریده خوف سیزلیک نی تامین لش اوچون دولت بیلن همکارلیک قیله یاتگان قوراللی گروه لر سونگی وقتلرده افغانستان نینگ ایرم ولایت لریده تشکیل تاپگن.

اربکی لرنینگ اکثرینی ایسه افغانستانده گی اوتیز ییل لیک اورشلرده تجربه حاصل ایتگن سابق قوراللی حربی قوماندانلر تشکیل بیره دی.

محلی طالب لر هم اوشبو کوچلرنی اوز لریگه اساسی رقیب بیلگن لیک لری اوچون اولرنی دواملی روشده نشان گه توتیب توره دی.

بوندن بیرنیچه کون آلدین غربی هرات ولایتده ، طالب لرنی بیر اربکی گروهیگه قرشی اویشترگن هجوم لریده کمیده بیش کیشی اربکی لردن هلاک بولیشگن ایدی.