ننگرهارعملیاتده بیرنیچه نفرهلاک بولدی

Image caption افغان و خارجی کوچلری ننگرهار ولایتی نینگ سرخ رود ولسوالیگیده حربی عملیاتنی یولگه قویگنلر

افغانستان ده گی خلق ارا کوچلر گه کوره ،مملکت شرقیده بیرقنچه عصیانکار لر اولدیرلگن.هلاک بولگن لر اره سیده عصیانکارلرنی یوقاری مرتبه لی قوماندان نینگ بارلیگی هم ایتلگن.

بیراق محل اهالی سی هلاک بولگن لرنینگ برچه سی عادی اهالی دن عبارت بولگنینی دعوا قیلگن.

ایساف کوچلری تامانیدن ترقتیلگن بیانات نامه گه کوره عصیانکارلر ،ننگرهار ولایتی نینگ سرخ رود ولسوالیگی ده افغان کوچلری بیلن بیرگه لیکته عملگه آشیرلگن عملیات نتیجه سیده هلاک بولگن.

محل یشوچی لر جمعه کونی عین عملیاتگه قرشی ناراضیلیک نمایشلرنی یولگه قوییب ، گناه سیز اون کیشی نینگ قربان بولگنینی معلوم قیلگنلر.

خلق ارا کوچلرتامانیدن ترقتیلگن بیاناتنامه ده کیلیشچه عملیات پنجشنبه کیچ قرون یولگه قوییلگن.ایساف ،منطقه ده طالبان و عصیانکارلر نینگ فعالیت قیلیشی بویچه معلومات لرنینگ قولگه کیرتلیشی آرتیدن عملیات نینگ یولگه قویلگنینی معلوم قیلگن.

بیاناتده ایتلیشچه، خلق ارا و افغان کوچلری ، عصیانکارلرنی "الله نظر" قشلاغی ده بارلیگنی بیلب منطقه گه یقین لشگنلر ، بیراق اولرگه قرشی عینی منطقه دن اوق آتلگن.ایساف و افغان کوچلری ایسه جوابا اوق آتیشگه مجبور بولگنلرینی ایتگن.

آیساف کوچلری عملیات نتیجه سیده بیرنیچه عصیانکارلرنینگ هلاک بولگنینی ایتیب ، بو خصوصده انیق بیر رقم بیرشمهگن.

بیانات نامه ده کیلیشچه هلاک بولگن لردن بیری منطقه ده گی طالبان قوماندان نینگ معاونی بولگن.

آیساف کوچلری نینگ معلوم قیلیشچه عملیات نتیجه سیده منطقه ده بیرقنچه قورال یاراغلر و علاقه قوریش اسکونه لرهم تاپلگن.

عینی حالده ، منطقه اهالی سی جمعه کونی عملیاتگه قرشی ناراضلیک نمایشلرینی یولگه قویب ، سرخ رود ولسوالیگی ده یغیلگنلر.

اولرگه کوره عملیات نتیجه سیده قربان بولگنلر نینگ برچه سی عادی اهالی بولگن .

ناراض شخص لر عینی حادثه ده گناه سیز اون کیشی نینگ هلاک بولگنینی ادعا قیلگنلر.

جلال آباد شهر ملازم لری نینگ بی بی سی گه ایتیشچه ، خلق ارا کوچلر ، دولتگه قرشی فعالیت لرنی یولگه قویب ، طالبان بیلن علاقه سی بولگن بیر شبهه لی شخصنی قیدریش اوچون عملیاتنی یولگه قویگنلر.

ننگرهار ولایتی سوزچی سی احمد ضیا عبدالزی نینگ ایتیشچه عملیاتده کمیده اون کیشی هلاک بولگن.

اونگه کوره بو شخص لرنینگ عادی اهالی و یا بولمه گنی حاضرگه قدر انیق ایمس بوخصوصده تیکشرو ایشلری باشلتیلگن.