کن فلم فستیوالی نینگ 63 نچی دوره سی

کن فلم فستیوالی نینگ 63 نچی دوره سی ،چهارشنبه (12 می) آقشامی ،بریتانیا لیک فلم استاسی سیر ریدلی اسکات تماندن اویشتیریلگن ، رابین هود افسانه سی حقیده کی ینگی فلم بیلن اوز ایشیگه باشله دی

. رابین هود ننینگ اوشبو نسخه سیده ، گلیدیاتور فلمیده باش رولده اوینه گن نیوزیلند لیک فلم یولدوزی راسل کرو رابین هود رولینی اوینه گن و کیت بلانشت ، روبین هود نینگ افسانوی سیوگیلی سی ماریان ننیگ رولیده صحنه گه چیققن.

کورینیشیچه کوندن-کونگه کن کبی بویوک خلق ارا فلم فیستیواللر نینگ آچیلیشیده کی فلم تنلاوی ،شهرت و تبلیغات اساسیده بولماقده.

راسل کرو و کیت بلانشیت نینگ شهر گه کیلیشی وفیستیوالگه اشتراک لری کوپ گینه خبر واسطه لری نینگ دقتینی جلب ایتکن-هر چند عادت گه ضد ، فلم نینگ استاسی ریدلی سکات ازوی فستیوالده قتنشمه گن.

رابین هود ننیگ اشبو نسخه سیده ، 12 نچی عصر بریتانیا نینگ افسانوی یاغی قهرمانیدن ، بیریلگن تصویر آلدینکی نسخه لردن مطلقا فرق قیله دی.

Image caption راسل کروه رابین هوود فلمیده

آلدینکی فلملرده ، رابین هوود کوپراق ، رومانتیک و عشقباز بیر قهرمان دیب تصویر ایتلگن. لیکن ینگی ننسخه ده ایسه ، اوندن انچه قورقینچلی و حماسی بیر تصویر بیریلگن و راسل کرو بو نسخه ده ، آلدینکی دیک ، پر تقیلگن دوپی کیمه گن بلکه باشی آچیق و به قوت بیر یاغی نینگ رولینی اوینه گن .

بویوک احتمال بیلن ، روبین هود حکایه سی نینگ قیته اکران گه کیلتیرگن فلم ، اوشبو فستیوالده کته بیر مکافات اوچون بیلشمیدی

کن رقابت میدانیده

فستیوال ننیگ 12 کونیده باشقه 19 ته فلم آلتین خرما نهالی اوچون بیلشه دیلر .

بو لر آره سیده ییریک فلم استالری ، شو جمله دن ، تا که شی کیتاتو، مایک لی ، آله خاندرو گونزالس ایناریتو ، برتران تاورینه ، کن لوچ ، رشید بوشارب ، نیکیتا میخالکوف و ایران لیک عباس کیارستمی نینگ فلملری موجود .

فستیوال ده کی فلملردن ، رشید بوشارب نینگ قانون دن تشقری فلمی ، برتیران تاورنیه نینگ مون پنسه قیرالیچه سی ، متیو آمالریک نینگ سفرده فلمی ، زاویه بووآ نینگ خدادن وادملردن ناملی فلملری ، بو ییل فرانسه سینماسیدن وکالت قیلیب قالگن فلملر بیلن بیشلشه دیلر .

بو ییل کی کن فستیوالیده ، جاپانلیک تانیقلی فلم استاسی تا که شی کیتانو هم ، غضب ناملی فلمی بیلن قتنشماقده .

ایتالیا لیک فلم استاسی آله خاندرو گونزالس ایناریتو بو ییل ، گوزل ناملی فلمی بیلن سینماده کی اساسی رکنده قتنشگن و بوندن آلدین ، 21 گرم، ایتلیک سیگوگی ، و بابل ناملی فلملری بیلن تانیلگن ایدی. فستیوال ننیگ اساسی قسمیده کی آلتین خرما نهالی اوچون اونگه رقیب صفتیده ، کوریا لیک سینماچی چانگ دونگ "شعر" ناملی فلمی بیلن قتنشماقده

Image caption کن فستیوالی ننیگ اچیلیشیده بیر قطار تانیقلی فلم یولدوزلری اشتراک ایتگن ایدی

بریتانیا لیک فلم استاسی مایک لی هم ، "باشقه بیر ییل" فلمی حصه الگن. او 1993 نچی ییلده کن فلم فستیوالیده کی اینگ یخشی فلم استاسی ساورینیگه سزاوار تانیلگن ایدی. شو ننیگد یک 1996 نچی ییلد هم ،"سرلر و یلغانلر" ناملی فلمی بیلن ، التین خرما نهالینی قولگه کیریتگن ایدی.

باشقه ییللردن فرقلی اولراق بو ییلکی کن فلم فستوالیده ، امریکا سینماسیدن فقط بیته فلم اشتراک ایتماقده . او بولسه ،داگ لئیمن نینگ سیا سی ژانرده کی " عدالتلی اویین" فلمیدیر. مذکور فلمده کی باش روللرده ، شان پن و نئومی واتس اوینه گن.

فستیوال نینگ سونگ کونلریده ، ایرلندلیک تانیقلی فلم استاسی کن لوچ نینگ "ایرلند لیک یول" ناملی فلمی هم فستیوال بیله شووده کی اساسی رکنیده قبول قیلیندی و بو بیلن بو ییلکی فستوالده کوچ سینشماقچی بولگن فلملر سانی 19 ته گه ایتدی.

کن لوچ 2005 نچی ییلده ، "ارپه میسه سینی قیمیلتگن شمال" ناملی فلمی بیلن آلتین خرما نهالیگه سزاوار بولگن ایدی.

اوننیگ ینگی فلمی ،انگلیس کوچلرنینگ عراق اوروشیده کی اشتراکی حقیده حکایه قیله دی و اونینگ فلمنامه سینی پل لاورتی سونگی ییللرده یازگن.

کن فلم فستیوالی نینگ اساسی بولیمیدن کیین ، مخصوص قره ش بولمیده هم ایریم فلملر بیلشه دی. بو ییلکی اوشبو مهم بولیم اوچون ، فرانسه سینماسی نینگ ینگی تولقینیده کی یول باشچیلردن بولگن ژان لوک گدار نینگ سوسیالیزم ناملی فلمی اورین الگن.

بو نگه قرشی ، مانوئل دوالیویرا نینگ "انجیلیکا نینگ عجایب حکایه سی" ، دانیل وگا نینگ اکتوبر، دیودی ویربیک نینگ "اوییرده میسن؟" ، و الیویر اشمیت نینگ "حیات برچه دن اوستون" ناملی فلملری مخصوص قرش بولیمیده کی اینگ مهم فلملردن سنه له دی .

فستیوال حکمی قماقده

بو ییلکی کن فلم فستوال ده کی حکملر هیئتی نینگ رهبریتیده، امریکا لیک تانیقلی سینما استاسی تیم برتون تعین ایتیلگن. او بوندن آلدین ، میمونلر سیاره سی ، سوئینی تاد و چارلی و شکلات کارخانه سی ناملی فلملری بیلن تانیلگن.

اما بو ییلکی کن فستیوالیده کی حکملر هیئتی بیر نفر اعضا لری قماقده بولگن حالده اوتماقده. ایران لیک فلم استاسی جعفر پناهی ، بو ییل کن فلم فستیوالیده کی حکملر جمله سیده بولیشی کیرک ایدی. لیکن او ، ایران ده کی سونگی سیلاولردن سونگ ، یوزه یه چیققن قوزغلانلر حقیده ،رخصتسیز فلم تیارلش عیبی بیلن ، قماققه آتیلگن. جناب پناهی عایله سی اوشبو ادعا لر نی رد ایتماقده .

کن فلم فستیوالیده کی ، حکملر هیئتی او نینگ قوییب یوباریلیشینی طلب ایتگن.

کن فلم فستیوالی نینگ 63 نچی دوره سی 12 کون دوامیده ، می آیی نینگ 23 نچی سی گه چه ، فرانسه جنوبیده کی ، کن شهریده دوام ایته دی.