کابلده کی انتحاری هجومده 20 کیشی هلاک بولدی

کابلده کی  انتحاری  هجوم
Image caption کابلده کی انتحار ی هجومده 6 نفر ناتو کوچلری داخل 20 کیشی هلاک بولگن

پایتخت کابل رسمیلری نینگ بیلدیریشیچه ، شهر غربیده عملگه آشیریلگن انتحاری هجومده 6 ناتو عسکری داخل 20 کیشی هلاک بولگن ، 52 کیشی یره لنگن.

موتر واسطه سیده عملگه اشیریلگن اوشبو هجوم ناتو حربی کاروانینی نشانگه آلگنی ائیتیله دی .

پارتلش پارلمان و حکومت بناء لریگه یقین دارالامان چارراهه سیده یوز بیرگن.

قربانلر نینگ اکثریتی تینچ اهالی بولیشگن.

ناتوکوچلرینینگ سوزچیسی، عسکرلریدن 6 نفری اوشبو حاثده ده هلاک بولگن لیگنی تصدیقله گن.

ناتو باش کابتی ادریس فوگ راسموسن ف کابلده کی هجومنی "قتیق قاره له گن." لیکن اتفاق نینگ افغانستان ده برقرار لیک کیلتیریش و افغانستان دولتینی تروریستلر هجوملریگه قرشیلیک کورسه تیش اوچون کوچلنتیریش گه قرارلری قطعی ایکن لیگنی تاکید له گن.

کابلده کوچیتیریلگن خوفسیزلیک چاره لریگه قره می، سونگی ایلرده طالبان عصیانچیلری بیر نیچه ییریک هجوملرنی عملگه آشیرگن.

انتحارچی شخص پارتلاوچی ماده لر بیلن تولدیریلگن موترنی باشقریب بارگنی ائیتیله دی .

طالبان هجوم اوچون مسئولیتنی از بویینیگه آلگن. طالبان سوزچیسی ننیگ ایئتیشیچه ،اولر اوشبو هجومده ایچیده 750 کیلوگرام پارتلاوچی ماده جیالشتیریلگن موتر نی قولنگنلر .

بی بی سی نینگ کابلده گی مخبریگه کوره ، کابلده حکومت ادارهلری و مهمانخانه لریگه اویشتیریلگن قطار هجوملر آرتیدن پلیس شهر بویلب قوشیمچه نظارت-اوتیش نقطهلرینی تشکیل ایتگن.

"اما شهرگه کیریب کیله یاتگن هر بیر نقلیه واسطه سی توخته تیلیب، تیکشیریش قیین و هجوملر نینگ دوام ایتیشی تعیین"- دیدی مخبریمیز

افغانتسان جمهور رئیسی حامد کرزی هجومنی "قیغولی" دیب تعریفله گن.

"بیز هجومنی قتیق قاره لیمیز ،امید قیله من کی افغانستان بو عذابلردن قوتیله دی . دیب ایئتگن جناب کرزی تلویزیون ارقه لی نمایش ایتیلگن بیاناتیده.

هجوم افغانستان جنوبیده گی طالبان استحکامی بولگن قندهار ده ریجه لنگن ییریک حربی عملیات عرفه سیده یوز بیرگن.

شو ییل باشیده ناتو و افغان کوچلری قوشنی هلمند ولایتیده عصیانچیلرگه قرشی ییریک هجوملرنی باشله گن و خوفسیزلیک کوچلری حاضر هم هلمند و اطرافیده جنگ قیلماقده .

ناتو و قوشمه ایالتلر افغانستانده مینگلب قوشیمچه کوچلرنی جایلشتیرگن.

عصیانچیلیککه تیزراق یکون یسشگه قره تیلگن استراتیژیگه موافق، شو ییل اگوست اییده خارجی کوچلرنینگ سانی 150 مینگگه ایتیشی کوتیلماقده .

شو ننیگ دیک افغانستان جمهور رئیسی حامد کرزی یقینده ف واشنگتن گه بولگن رسمی سفریدن قیتگن و اوشبو سفرده ، طالبان بیلن مذاکرهلر خصوصیده ، غربلیک اتفاقداش لر ی نینگ حمایه سینی قازانیب کیلگن.

افغانستان لیک رسمیلر کیله جک هفته لرده بولیب اوته یاتکن ملی تینچیلیک ملصحت قورلتایی اوچون تیارلنماقده .