بغلانگه تعین ایتلگن طالبان والیسی اولدرلدی

Image caption سونگی وقتلرده طالبان فعالیت کوزگه کورنرلی درجه ده قندوز و بغلان ولایتلریده کوپیگن.

افغانستان شمالیده گی بغلان ولایتی رسمیلرینی بیلدریش لریچه،اوشبو ولایتده طالب لر تمانیدن والی ایتب تعیین لنگن شخص خوف سیزلیک کوچلری تمانیدن اولدرلگن.

بغلان ولایتی مسولریگه کوره، طالب لرنینگ یوقاری مرتبه لی محلی اعضالری یشرنگن منطقه معلوم بولگندن کیین اولرگه قرشی ایساف و افغانستان خوف سیزلیک کوچلری تمایندن هجوم اویشترلگن.

بغلان ولایتی رسمیلریگه کوره، طالب لر تمانیدن اوشبو ولایت گه والی ایتب تعیین لنگن، ملا روح الله اسملی شخص خوف سیزلیک کوچلری تمانیدن اوتکزلگن ایریک حربی عملیات جریانیده اولدرلگن.

بغلان ولایتی نینگ والی سی منشی عبدالمجید گه کوره، طالب لر تمانیدن والی دیب تعیین لنگن شخص نی یشرنگن ییری معلوم بولگندن کیین افغانستان خوف سیزلیک کوچلری و اتفاق کوچلری همکارلیگده حربی عملیات یولگه قویلگن. نتیجه ده طالب لرنینگ والی سیگه قوشیمچه، بیرنیچه محلی طالب لر قوماندانلری هم اولدر لگن.

بغلان ولایتی نینگ والی سیگه کوره، اوشبو شخص لر، بغلان ولایتده ده گی حکومت کوچلریگه قرشی هجوم اویشتریش نیتده بولگن اما ، حکومت کوچلری اولرنی بو مقصدلریدن خبر بولیب اوزلرینی هجومگه توتیشگن.

بغلان ولایتی نینگ والی سی منشی عبدالمجید نی ایتیشچه، طالب لرنینگ یوقاری مرتبه لی قوماندانلریگه قرشی اویشترلگن حربی عملیات جریانیده بیر باله داخل اوچ انسان یره لنگن.

اوزینی بغلان ولایتده گی طالب لر سوزچی سی دیب مطبوعات گه تانیشترگن مبارز اسملی شخص، طالب لرنی بغلان ولایتگه تعیین ایتگن والی لرینی اولدرلگن لیگی نی تصدیق له گن، اونکه کوره اوشبو شخص بوندن قریب ایککی هفته الدین طالب لر تمانیدن والی ایتب تعیین لنگن.

بغلان ولایتی نینگ خوف سیزلیک مسوللریگه کوره، اوشبو ولایت نینگ بیرنیچه ولسوالیک لریده سونگی وقتلرده طالب لر فعالیتی آشگن ، خوف سیزلیک مسولریگه کوره، انه شو یوزدن اوشبو ولایت نینگ بیر نیچه ولسوالیک لریده عصیانچیلرگه قرشی حربی عملیات لر دوام ایتماقته.

بغلان ولایتی نینگ والی سینی ایتشچه، اوشبو ولایتده بیر نیچه کیشی طالب لرنی یوقاری مرتبه لی مسولرینی اولدرلیشی ، اوشبو ولایتده گی عصیانچیلیک حرکت لرینی ازه لیشگه سبب بولگن.

شونینک دیک رسمیلر،افغانستان استخبارات خذمت لری یوقاری مرتبه لی طالب لر قوماندانلرینی قولگه الیش اوچون هم سعی و حرکت ایته یاتگان لیک لرینی تاکیدلشماقته.

بوندن بیرنیچه کون آلدین ایسه شمالی سمنگان ولایتده، اوشبو ولایت گه طالب لر تمانیدن والی ایتب تعیین لنگن شخص افغانستان ملی امنیت اداره سی تمانیدن قولگه آلینگن ایدی.