کابل دن اوچ یوزدن آرتیق راکت تاپلدی

Image caption عصیانچیلر اوشبو راکت اوقللری بیلن کابل شهری نی نشانگه آلیشنی مقصد قیلگن ایکن

تینچلیک مشورتی جرگه سی نینگ بولیب اوتیشگه بیرهفته قالرایکن افغانستان امنیتی کوچلری شکردره ولسوال لگیدن اوچ یوز دن ارتیق راکت اوقینی قولگه کیرتیلگیندن خبربیردی.

کابل ولایتی نینگ امنیه قوماندانی جنرال عبدالرحمان رحمان گه کوره عصیانچیلر اوشبو راکت اوقللری بیلن کابل شهری نی نشانگه آلیشنی مقصد قیلگن ایکن.

افغان رسمیلر، قولگه کیرتیلگن راکت اوقللرینی عینی ساحه ده بارلیگی دن بعضی بیر قوشنی دولتلر استخبارات اداره لرنینگ آگاه بولگنلرینی معلوم قیلیب انیق بیر مملکت دن اسم توتمهگن.

رسمیلرنی معلوم قیلیشچه ایگرمه- اوتز کیلومتر اوزاق دن نشانگه الیش کوچیگه ایگه بولگن "سکر بیست" اسملی اوشبو راکت اوقللری منطقه یشاوچیلری همکارلیگی بیلن کابل ولایتیگه باغلیق شکر دره منطقه سیدن قولگه کیرتیلگن.

اما اوشبو حادثه سببلی حاضرگه قدر هیچ کیم قولگه کیرتلمهگن.

یولگه قویلگن قیدروو عملیات لرجریانیده قولگن آلینگن اوشبو راکت اوقللری اوروشلرزمانیدن قالیب، بوندن اولراق انیق لنگن منطقه ده کومیلگن ایکن.

کابل ولایتی نینگ پلیس باشلیغی عبدالرحمان رحمان، عصیانچی گروه لر راکت اوقللرینی کابل شهری یقینلریده انتقال بیریشنی مقصد قیلگنینی ایتدی.

رسیمیلر اوشبو راکت اوقللری بیلن قیسی ساحه لر نشانگه توتیلیشی ممکن لیگی وقیسی زمان قوله نیلیشی ریجه لشتریلگنی باره سیده هیچ نرسه ایتمگن.

اما تینچلیک مشورتی جرگه سی نینگ استانه سیده اوشبو راکت اوقیللرینی کشف ایتلیب قولگه کیرتیلیشی کاته بیر موفقیت دییه بهالنماقده.

شونگه قوشیمچه قیلیب کابل پولیس باشلیغی عبدالرجمان رحمان جنابلری ملی تینچلیک مشورتی جرگه نینگ امنیتینی تامین لش اوچون ایجابی ایشلر یولگه قویلگنینی تاکیدله دی.

کون اوتیشی بیلن کابل شهریده موترلرنی تیکشریش عملیاتلری کوچیتریلیب کابل شهری نینگ تورلی بورجه گیده نظارت نقطه لری اورنه تیلماقده.

اما شوندی بولسه انتحاری هجوملر آلدیی الینمی ایریم پیتلرده عصیانچیی گروهلر موافق لشتریلگن هجوملرنی اویشتریش کوچیگه ایگه بولگن.