فاریابده اربکی قوماندانلردن بیری هلاک بولدی

Image caption فاریاب ولایتیده گی توقنه شو لر قیصار ولسوالیگی ده روی بیرگن

افغانستان شمالیده گی فاریاب ولایتی رسمیلریگه کوره، اوشبو ولایت نینگ قیصار ولسوالیگده تورت کیشی طالب اولدرلگن و ینه تورت طالب ایسه یره لنگن.

فاریاب پولیس باشقرمه سی نینگ اورن باسری محمد افضل امام زاده گه کوره، کیچه قیصار ولسوالیگی نینگ شاخ مطنقه سیده 50 کیشی گه یقین عصیانچیلر پولیس پوسته سیگه هجوم اویشترشگن ، هر ایککی تمان آره سیده یوز بیرگن اتشمه لرده ایسه بیرنیچه کیشی طالب لردن هلاک بولیشگن.

"کیچه کیچقرون ، 50 کیشی گه یقین عصیانچی طالب لر پولیس پوسته سیگه هجوم اویشترشدی، پولیس ایسه اولرنینگ هجومیگه قرشی لیک کورستدی، توقنه شولر کمیده بیر ساعت دوام ایتدی، نتیجه ده پولیس طالب لرگه آغیر ضربه لر بیردی. اوروش میدانیده طالب لرنینگ ایککی جسدی و بیرنیجه میل قوراللری هم قالگن ."دیدی فاریاب ولایتی پولیسی نینگ اورن باسری.

شونیینگ فاریاب ولایتی نینگ دولت آباد ولسوالیگده ایسه، قوراللی طالب لر هجومی عاقبتیده محلی تانیقلی شخص لردن بیر کیشی هلاک بولگن و ایککی کیشی ایسه یره لنگن.

فاریاب ولایتی پولیسی نینگ اورن باسری محمد افضل امام زاده نی ایتشچه، "اورز ضابط" اسملی سابق محلی قوماندان لردن بولگن شخص کیچه عصیانچیلر تمانیدن نشان گه توتیلب هلاک بولگن.

پولیس نی بیلدریشچه، اورز ضابط دولت آباد ده گی محلی نفوذلی شخصیت لردن بولیب بوندن آلدین هم طالب لر تمانیدن اونگه قرشی هجوملر اویشترلگن.

فاریاب ولایتی پولیس نی ایتشچه، حادثه سبب چیلرینی انیق لش اوچون پولیس تمانیدن تیکشرو ایشلری یولگه قویلگن.

بغلانده ایککی اوقتوچی هلاک بولدی

افغانستان شمالیده گی بغلان ولایتده عصیانچیلرنی بیر یوللوچی موتریگه اوق اوزیشلری عاقبتیده اوچ کیشی عادی اهالیدن هلاک بولیشگن.

بغلان ولایتی رسمیلری ایسه بو حادثه تیکشرله یاتگان لیگنی ایتماقته. حاضرگه چه هیچ بیر شخص اوشبو حادثه مسولیت نی اوز یوینیگه الگنی یوق.

رسمیلرپگه کوره اوشبو حادثه بغلان ولایتی نینگ خنجان ولسوالیگده یوز بیرگن.

خنجان ولسوالیگی نینگ حاکمی فضل الرحمن رحمتیگه کوره، ناتانیش قور اللی لر ، بیر یوللو چی موتریگه اوق اوزیشلری عاقبتیده ناخوش حادثه یوز بیرگن.

بغلان ولایتی خوف سیزلیک مسوللرینی بیلدریش لریچه، اوشبو ولایت نینگ خنجان ولسوالیگدن اندراب ولسوالیگی تمان کیته یاتگان موترنی عصیانجیلر توختتماقچین بولیشگن، لیکن ایدوچی عصیانچیلرنینگ بو بویروغیگه اعتبار بیرمه گن لیگی سبب لی عصیانچیلر اولرگه قرشی اوق اوزیشگن. نتجه ده ایککی کیشی اوقتوچی داخل تورت کیشی هلاک بولیشگن.

بغلان ولایتی رسمیلریگه کوره،اوشبو حادثه سبب لرینی اورگه نیش اوچون پولیس تمانیدن تیکشرو ایشلری باشله تیلگن.

بغلان ولایتی نینگ رسمیلریگه کوره اوشبو هجوم قوراللی طالب لر تمانیدن اویشترلگن بولیشی ممکن اما حاضرگه چه بو خصوصده طالب لرنی اوز ی بیرار بیر مناسبت بیلدرمه گن.

افغانستان شمال شرقیده گی تخار ولایتی نینگ رسمیلریگه کوره، اوشبو ولایتده اونگه یقین سابق عصیانچیلر دولت صفیگه قویشلگن.

تخار ولایتی نینگ ملی امنیت اداره سی سوزچی سی سمیع الله مجروح گه کوره، بو سانده گی طالب لر اونلب میل قورال اسلحه بیلن دولت صفیگه قوشلیشگن.