باله وآنه لر اولیم درجه سی انیق له نیشی کوتیلماقده

Image caption افغانستانده آنه لر و باله لر اولمی کوپ روی بیریب توره دی

افغانستان عامه ساغلیق وزیرلیگی بیرینچی مرته آنه لر وباله لر اولیمی نینگ انیق لش اوچون افغانستان بویلب سروی یا سوراو برنامه سینی یولگه قویگن.

عامه ساغلیق وزیرلیگی نینگ مقام لری اوشبو سروی یا سوراو یولگه قویلیشی اوچون 3.5 میلون دالر صرف له نیشینی ایتگن.

اجره تیلگن مبلغ نینگ کوپ قسمی ایسه امریکا قوشمه ایالتلری نینگ ترقیات تشکیلاتی تمانیدن بیریلیشی ایتلماقده.

افغانستان بویلب هر ییلی آنه لر و باله لر اولومی نینگ سانی آرتیب بارماقده بو ایسه عامه ساغلیق وزیرلیگینی جدی تشویشگه سالگن ایدی.

اوتگن نیچه ییلدن بویان اوشبو معما نی حل ایتیش اوچون حکومت تمانیدن بیر قطار چاره تدبیر لر کوریلگن.

لیکن کوریلگن چاره تدبیر لر ایتر لی درجه ده ثمره بیرم گنلیگی باعث افغانستان بویلب جدی معما لر دن بیری بولیب کیلگن.

اولوم مقیاسنی انیق لش

اوشبو سوراوو دن اساسی مقصد باله لر و آنه لر و شو ننیگ دیک قریه لر اورته سیده کی اولیم مقیاسینی اینقلش .

شو نینگدیک کسللرنینگ یاشلری و جنسیتلری یانیده باشقه ساغلیق و اهالی سانیگه باغلی عنصرلر شو جمله دن اورته چه یشش یاشی ، بیر ییلده حامله لیک و توغیلیش مقیاسی و اولیم مقیاسی اورگه نیله دی .

شو نینگ دیک هر بیر کسل شخص نینگ اوزینی دوالش اوچون صرفلیدیگن پول مقداری هم اورگه نیب چیقیله دی .

افغانستان عامه ساغلیق وزیرلیگی نینگ وقتینچه لیک وزیری ثریا دلیل گه کوره اوشبو سروی یا سوراو ایشلر ی عامه ساغلیق وزیر لیگی ، جهان ساغلیق تشکیلاتی ، و احصاییه مرکزی همده بیر قطار خلقرا تشکیلات لر تمانیدن یولگه قوییلگن.

سوراو ناقرار حدودلرده

Image caption سوراو افغانستان بویلب عملگه اشیرلیشی کوتله دی

اوشبو سروی یا سوراو ایشلری یولگه قوییلیشی ده بیر قطار خارجی مملکت لر مادی یاردم بیریشلرنی تاکید له ماقده.

سروی یا سوراو ایشلری هلمند قندهار و و زابل ولایت لرینینک قشلاق لریدن تشقری افغانستان نینگ برچه ولایت لریده یولگه قوییلیشی ایتلگن.

عین حالده ایسه سروی یا سوراو ایش لری افغانستان نینگ 13 ولایتیده اوز فعالیت لرینی باشله گن، اوشبو سروی یا سوراو افغانستان بویلب اوچ حوزه بوییچه ایش آلیب باریشی و تیکشیریش اوچون 24 مینگ عایله اشتراک ایتیشی کوتیلماقده.

اوشبو سروی یا سوراو ایشلری یولگه قویلیشی بیلن افغانستان بویلب اساسی صحی خدمت لر ، عایله لر نینگ اقتصادی و اجتماعی قیین چی لیکلری شونینگ دیک آنه لر و باله لر نینگ قربان بولیش سبب لری انیق لنه دی.

معلومات لرگه کوره افغانستان بوییلب آنه لر و باله لر اولومی جهان بوییچه اینگ یوقاری رقمنی کورستگن .

افغانستان رسمی لری بیرگن رقم لر اساسیده بیر ساعتده بیش یاش آستی 22 باله هلاک بولیشی کورسه تیلگن.

حاضرگی کونگه کیلیب ایسه افغانستانده اورته لمه عمر 46- 47 یاشنی کورستگن بو ایسه دنیا بویلب اینگ کم یاشنی کورسه ته دی.