تینچلیک قورلتایی و اهالی نینگ فکرلری

Image caption یاتگان تینجلیک مصلحتی قورلتای باره سیده عادی افغانستان لیک لر هم تورلی خیل فکر بیلدرشماقته

کیله جک چهار شنبه کونی اوتکزلیشی کوتیله یاتگان تینجلیک مصلحتی قورلتای باره سیده عادی افغانستان لیک لر هم تورلی خیل فکر بیلدرشماقته.

ایرم لری اوشبو جرگه افغانستان گه تینچلیک کیلتریشگه یاردم بیره دی دیب ایشانسه ،ایرم لر هم اوشبو جرگه نینگ ثمره سی باره سیده اونچه لیک خوشبین ایمس.

تینچلیک مصلحتی قورلتایی افغانستان دولتی تشبثی بیلن یولگه قویلگن اونده ، قوراللی مخالف لرنی تینچ لیک گه دعوت ایتیش یوللری کوریب چیقیله دی.

افغانستان گه تینچ لیک کیلتریش یوللرنی ایزلش نی مقصد قیلگن تینچ لیک مصلحتی قورلتایی باره سیده، عادی افغانستان لیک لر خیل مه خیل فکر گه ایگه.

اوشبو قورلتای نتیجه لری باره سیده خوشبین بولگن اهالی ایسه، بو بونگه اوخشش ملی مصحلت لر افغانستان گه تینچ لیک کیلیشی اوچون یگانه یول ایکن لیگی گه ایشانیشه دی. اولرگه کوره، افغانستانده گی ناتینچ لیک لرنی کوچ ایشله تیش یولی بیلن ایمس بلکه مذاکره و مفاهمه قیلیش یولی بیلن ییچیش ممکن.

مزارشریف یشوچیلریدن حبیب دوست ،"بو جرگه اصلا مشوره و مصلحت اوچون و اوروشگه نهایه بیرب تینجلیککه ایریش نی مقصد قیلگن، بو جرگه تینچلیک کیلتره دی دیب اویلی میز. بیر بو جرگه ده آلینه جک قرارلرگه طرفدارمیز،" دیب ایتدی.

افغانستانگه تینچ لیک کیلتریش اوچون بوندن الدین هم بیرنیچه بار بو کبی قورلتای لر بولیب اوتگن لیگی اما اولرنی کوتیلگندیک نتیجه بیرمه گن لیگی ایرم افغانستان لیک لرنی بو جرگه یا قورلتای نیتجه سی باره سیده امید سیزبولیش لریگه سبب بولگن.

اندخوی ولسوالیگی اهالی سیدن جمیشید بیگزاده گه کوره، بو کبی تدبیر لرنی اوتکزلییشی یانیده اونی عملی یوللرینی هم اویلب کوریش کیرک.

"مینی اویله شیمچه بو مثبت نتیجه بیرمیدی، چونکه بو جرگه ده اونچه لیک تجربه لی و نفوذلی انسانلر دعوت ایتلمه گن انه شو اچون اونچه لیک مثبت نتیجه بیرمیدی،"دیب ایتدی جمشید بیگزاده.

کوپلب افغانستان لیک لر ایسه ،اوشبو مملکت گه تینچلیک کیلیشی اوچون مذاکره و مصلحت لر مهم ایکن لیگی نی اورغولشه دی.

اولرگه کوره، افغانستان ده گی معمانی قورال بیلن ییجیش ممکن ایمس ایکن لیگی نی بوتون دنیا انگلب ییتگن ایندی ایسه بو مشکل نی فقط گینه مصلحت و مذاکره بیلن ییچیش ممکن.

فاریاب لیک بایمراد اکه گه کوره ،"بو جرگه نی تشکیل بیریشدن مقصد تینچلیک نی برقرار ایتیش بولیشی کیرک و بو بیز بوندی جرگه لرنی کوپ کوردیک اما نتیجه بیرمه دی لیکن بو جرگه ایجابی نتیجه بیره دی دیب اویلی میز،"

تینچ لیک مصلحت قورلتایی افغانستان حکومتی تشبثی بیلن یولگه قویلگن، اوشبو قورلتایده افغانستان نینگ تورلی ولایت لری و قوملریدن نماینده لر کابلده توپله نیب ، اوشبو مملکت گه قندی قیلیب تینچ لیک نی اورنه تیش خصوصیده بحث لر آلیب باریشه دی.